ەكونوميكا • 03 جەلتوقسان، 2020

"سامۇرىق-قازىنا" ساتىپ الۋلارىندا ۇنەمدەۋ 400 ملرد تەڭگەنى قۇرادى

24 رەت كورسەتىلدى

2020 جىلى "سامۇرىق - قازىنا "ۇاق" اق كومپانيالار توبىنىڭ ساتىپ الۋ قورىتىندىسى بويىنشا ۇنەم 129 ملرد تەڭگەنى قۇرادى. 2018 جىلدان باستاپ الىنعان ۇنەمدەۋ كولەمى 400 ملرد تەڭگەدەن استى. بۇل تۋرالى ونلاين-بريفينگ بارىسىندا قوردىڭ باسقارما توراعاسىنىڭ ورىنباسارى الىشەر پىرمەتوۆ مالىمدەدى، دەپ حابارلايدى Egemen.kz.

ءا. پىرمەتوۆتىڭ ايتۋىنشا، ساتىپ الۋلارداعى وڭ ديناميكا باسەكەلەستىكتى كەڭەيتۋ جانە ءبىر كوزدەن ساتىپ الۋدى بارىنشا قىسقارتۋ ارقاسىندا مۇمكىن بولدى.

"وتكەن جىلداردىڭ تاجىريبەسى جەتكىلىكتى باسەكەلەستىك ورتا قۇرۋ ۇنەمدەۋدىڭ ۇلەسىن ارتتىراتىنىن كورسەتتى. ورتاشا العاندا، بۇل ءبىر كوزدەن ساتىپ الۋلارعا قاراعاندا 4-5 ەسە كوپ"، - دەدى الىشەر پىرمەتوۆ.

ءا. پىرمەتوۆ ساتىپ الۋ قىزمەتىن ۇيىمداستىرۋداعى جاڭا تاسىلدەردىڭ ناتيجەلەرىن ۇسىندى. ول ساتىپ الۋدىڭ دۇرىس قۇرىلعان جۇيەسىن قامتاماسىز ەتۋگە كومپانيالار توبىنىڭ تۇراقتى جۇمىس ىستەۋى بايلانىستى بولعانىن اتاپ ءوتتى. وسىعان بايلانىستى قور ولاردى ورتالىقتاندىرۋ بويىنشا شارالار قابىلدادى.

وسىلايشا، العاشقى پيلوتتىق جوبالار اعىمداعى جىلى ىسكە اسىرىلىپ، تيىمدىلىگىن كورسەتتى. اتاپ ايتقاندا، ۇيىمداستىرۋشىلىق قۇرىلىمدار وڭتايلاندىرىلدى، باسقارۋ دەڭگەيلەرى قىسقارتىلدى، ساتىپ الۋ جانە شارۋاشىلىق قامتاماسىز ەتۋ فۋنكتسيالارىنا ارنالعان شىعىستار 22% - عا دەيىن تومەندەتىلدى، وتكىزىلگەن ساتىپ الۋ قورىتىندىلارى بويىنشا ۇنەمدەۋدىڭ ۇلەس سالماعىنىڭ كورسەتكىشى 23% - عا دەيىن ءوستى.

اعىمداعى جىلى قور كاتەگوريالىق ساتىپ الۋلاردى ودان ءارى دامىتۋ بويىنشا جۇمىستاردى جالعاستىردى. ساتىپ الۋدىڭ وسى ءتۇرى اياسىندا ءا. پىرمەتوۆ قوردىڭ يمپورتتىق ونىمدەردى جەتكىزۋدى تولىعىمەن الىپ تاستاعانىن حابارلادى. سونىمەن قاتار، جەتكىزىلەتىن ونىمدەرگە بىرىڭعاي تالاپتاردى شوعىرلاندىرۋ جانە دامىتۋ ارقىلى ايتارلىقتاي قاراجات ۇنەمدەلدى.

مىسالى، "ارنايى اياق كيىم" كاتەگوريالىق ستراتەگياسى بويىنشا يمپورت الىنىپ تاستالدى جانە 16 ءوتو-دەن 100% ساتىپ الىندى. ساتىپ الۋ كولەمى-4،5 ملرد تەڭگە. بۇعان دەيىن قاراجات رەسەي مەن قىتايعا "كەتكەن"، - دەپ اتاپ ءوتتى ا.پىرمەتوۆ. سونىمەن قاتار، ونىڭ ايتۋىنشا، ساتىپ الۋ باعالارىنىڭ اۋقىمى 10 ەسەدەن استام قىسقاردى، بۇل 1 ملرد تەڭگەدەن استام پايدا الۋعا مۇمكىندىك بەردى. سونداي-اق، ستراتەگيادا اياق كيىم وندىرىسىندە قازاقستاندىق شيكىزاتتى پايدالانۋ بويىنشا وندىرۋشىلەرگە قويىلاتىن تالاپتار كوزدەلگەنىن اتاپ وتكەن ءجون.

الىشەر پىرمەتوۆ سونداي-اق "وففتەيك-شارت"تەتىگى شەڭبەرىندە يمپورتتى الماستىرۋدى ىنتالاندىرۋ تۋرالى ەسكە سالدى. ونىڭ ايتۋىنشا، اتالعان جوبالاردى ىسكە اسىرۋ قازاقستاندا بالاماسى جوق جاڭا وندىرىستەر قۇرۋعا مۇمكىندىك بەرەدى. سونىمەن قاتار، بۇل ءتاسىل وتاندىق ينۆەستيتسيالىق قىزمەتتى جانداندىرۋعا، جاڭا جۇمىس ورىندارىن قۇرۋعا مۇمكىندىك بەرەدى.

قازىرگى ۋاقىتتا يمپورتتى الماستىرۋ باعدارلاماسى اياسىندا 43 جوبا ماقۇلداندى، 25،5 ملرد تەڭگە سوماسىنا 71 وففتەيك-شارت جاسالدى. قوسىمشا، 7،7 ملرد تەڭگە سوماسىنا تاعى 21 وففتەيك-شارت جاساسۋ جوسپارلانۋدا. كەپىلدەندىرىلگەن وفف-تەيك شارتتار تۇرىندە قولداۋ العان كاسىپورىندار تەك وتكەن جىلى 16،5 ملرد تەڭگە سالىق تولەدى.

"وففتەيك-شارتتار" تەتىگى ءوزىن وتاندىق كاسىپكەرلەردى قولداۋدىڭ ايتارلىقتاي ءتيىمدى قۇرالى رەتىندە كورسەتتى. ەڭ باستىسى، ەگەر بۇرىن كومپانيالاردىڭ قاراجاتى شەتەلگە "كەتكەن" بولسا، قازىر ولار قازاقستان ەكونوميكاسىنا جۇمىس ىستەۋدە. جاڭا تەحنولوگيالار مەن قۇزىرەتتەر يگەرىلۋدە، جاڭا جۇمىس ورىندارى قۇرىلۋدا جانە بيۋدجەتكە سالىق تولەنىپ جاتىر"، - دەپ اتاپ ءوتتى ءا. پىرمەتوۆ.

ءوز كەزەگىندە، حولدينگ ىشىندەگى ساتىپ الۋدى وڭتايلاندىرۋ شەڭبەرىندە 2017 جىلدان باستاپ 2020 جىلعا دەيىن باسەكەلەس ورتاعا 4000 پوزيتسيا بەرىلدى، قازىرگى ۋاقىتتا وسى تىزبەدە 213 پوزيتسيا بار. قابىلدانعان شارالار وسى كەزەڭدە 23 مىڭ بيزنەس سۋبەكتىلەرىنە 1 ترلن تەڭگە سوماسىنا قوردىڭ ساتىپ الۋلارىنا تىكەلەي قول جەتكىزۋگە مۇمكىندىك بەردى. سونىمەن قاتار، قۇرىلعان باسەكەلەستىك ورتا ەسەبىنەن قور كومپانيالارى 70 ملرد تەڭگە كولەمىندە ۇنەم الدى.

قور سونداي-اق كاسىپكەرلەردى قولداۋدىڭ ناقتى شارالارىن ىسكە اسىردى. وسىلايشا، اينالىم قاراجاتىنىڭ جەتكىلىكسىز ەكەندىگىن ەسكەرە وتىرىپ، قوردىڭ تاۋار وندىرۋشىلەرى شارتسىز باسىمدىقتى جانە 30% - دان كەم ەمەس مىندەتتى الدىن الا تولەمدى كوزدەدى، 5 جۇمىس كۇنىنەن كەشىكتىرمەي جەتكىزىلگەن تاۋارلار ءۇشىن اقى تولەۋ تۋرالى تالاپ ەنگىزىلدى جانە جوبالاۋ قۇجاتتاماسىن ازىرلەۋ كەزىندە قازاقستاندىق ءونىمدى مىندەتتى تۇردە قولدانۋ جونىندەگى تالاپ بەلگىلەندى.

قابىلدانعان شارالاردىڭ تيىمدىلىگى مەن ۋاقتىلىلىعىن قول جەتكىزىلگەن كورسەتكىشتەر راستايدى - "قاراپايىم زاتتار ەكونوميكاسى" باعدارلاماسىنىڭ التى سالاسى بويىنشا ساتىپ الۋداعى جەرگىلىكتى قامتۋ ۇلەسى 2019 جىلمەن سالىستىرعاندا اعىمداعى جىلى 30% - دان 69% - عا دەيىن ۇلعايدى، ءوتو-دەن ساتىپ الۋ ۇلەسى 2019 جىلعى 39% - دان 2020 جىلى 83% - عا دەيىن ءوستى.

اعىمداعى جىلدىڭ 11 ايىندا ساتىپ الۋ كولەمى 2،9 ترلن تەڭگەنى قۇرادى، ونىڭ 90% - ى نەمەسە 2،6 ترلن تەڭگە وتاندىق كاسىپكەرلەر اراسىندا ورنالاستىرىلعان.

ەستەرىڭىزگە سالا كەتەيىك، 2020 جىلدى "سامۇرىق-قازىنا" قورى كاسىپكەرلىكتى قولداۋ جىلى دەپ جاريالادى.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار