الەم • 03 جەلتوقسان، 2020

كوروناۆيرۋس: الەمدەگى احۋالعا شولۋ

20 رەت كورسەتىلدى

جاپونيا پارلامەنتى ءوز ازاماتتارىن تەگىن COVID-19 قارسى ەكپە ەگۋ تۋرالى زاڭدى قابىلدادى، بىراق بۇعان جاۋاپ رەتىندە جاپوندىقتاردان قارسى كورسەتىلىمدەردىڭ ەرەكشە جاعدايلارىن قوسپاعاندا، ەكپە الۋ تولىقتاي مىندەتتەلدى.

تۇركيادا COVID-19 تۋىنداعان ءولىم-ءجىتىمنىڭ تاۋلىكتىك رەكوردى جاڭارتىلدى - وتكەن 24 ساعات ىشىندە 190 ادام قايتىس بولدى. ەلدە كەشكى ساعات 21:00-دەن تاڭعى 5-كە دەيىن كومەندانتتىق ساعات ەنگىزىلدى.

لاتۆيا توتەنشە جاعداي رەجيمىن 11 قاڭتارعا دەيىن ۇزارتتى. 3 جەلتوقساننان باستاپ ەلدە "2+2" دەگەن اتپەن بەلگىلى ەرەجە ەنگىزىلدى - 2 مەتر قاشىقتىقتى ساقتاي وتىرىپ، قوعامدىق ورىنداردا ەكى ادامنان ارتىق كەزدەسۋلەرگە تيىم سالىندى. ساۋدا ورتالىقتارى دەمالىس كۇندەرى جۇمىس ىستەمەيدى، بەتپەردە تاعۋ كەز-كەلگەن قوعامدىق ورىنداردا، ونىڭ ىشىندە مەكتەپتەردە تاعۋىپ ءجۇرۋ مىندەتتەلدى. لاتۆيا پرەمەر-ءمينيسترى ەلدەگى جاعدايدى وتە اۋىر دەپ اتادى.

اۆستريا بيلىگى ەلگە تۋريزم ماقساتىندا كەلگەندەرگە مىندەتتى كارانتين ەنگىزدى. شارا 7 جەلتوقساننان 10 قاڭتارعا دەيىن قولدانىلادى. سونىمەن بىرگە، ەلدە لوكداۋن شارتتارى بىرتىندەپ جەڭىلدەتىلۋدە. اتاپ ايتقاندا، 7 جەلتوقساننان باستاپ مەكتەپتەر، ازىق-ت ۇلىكتەن باسقا زاتتاردى ساتاتىن دۇكەندەر مەن شاشتارازدار اشىلادى. سونىمەن قاتار، 7 قاڭتارعا دەيىن مەيرامحانالار، كافەلەر، قوناق ۇيلەر، سونداي-اق سپورت، مادەني جانە دەمالىس ورىندارى جابىق بولادى. شاڭعى تەبۋ مەن باسقا دا اشىق اۋادا اينالىساتىن سپورت تۇرلەرىنە 24 جەلتوقساننان باستاپ رۇقسات ەتىلمەك.

يتاليادا تاۋ شاڭعىسى كۋرورتتارى قاڭتار ايىنىڭ ورتاسىنا دەيىن اشىلمايدى. روجدەستۆو مەن جاڭا جىل مەرەكەلەرى كەزىندە ەل وڭىرلەرى اراسىندا قوزعالىس قاتاڭ شەكتەلەدى. جەلتوقسان ايىنىڭ سوڭىنا دەيىن مەملەكەتتىڭ باسىم بولىگىندە ساعات كەشكى 21:00-دەن باستالاتىن كومەندانتتىق ساعات ساقتالادى. بىراق مەيرامحانالارعا عيمارات ىشىندە قىزمەت كورسەتۋلەرىنە رۇقسات بەرىلدى.

گەرمانيا اۋرۋحانالارىنىڭ رەانيماتسيالىق بولىمشەلەرىندە ورتا ەسەپپەن ءۇش ورىن عانا بوس. نەمىس انەستەزيولوگيا جانە قارقىندى مەديتسينا قاۋىمداستىعىنىڭ ماماندارى پاندەمياعا بايلانىستى رەانيماتسيالىق بولىمشەلەرگە شامادان تىس جۇكتەمە قاۋپى ارتىپ كەلەتىنىن ايتۋدا. ء"بىز قارقىندى مەديتسينا تاريحىندا ءالى كەزدەستىرمەگەن ەرەكشە اۋىر جاعدايعا تاپ بولدىق"، - دەدى ۇيىمنىڭ وكىلى گەرنوت ماركس.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار