ايماقتار • 03 جەلتوقسان، 2020

اتىراۋدا 28 جاستاعى ايەل سىرقات بالانى جەلەۋ ەتىپ، اقشا جيناعان

146 رەت كورسەتىلدى

اتىراۋدا 28 جاستاعى ايەل سىرقات بالانى جەلەۋ ەتىپ، اقشا جيناعان، دەپ حابارلايدى Egemen.kz.

«الاياق ايەل ءىnstagram-دا تسەرەبرالدى سال اۋرۋىنا شالدىققان ءۇش جاسار ءسابيدى ەمدەۋگە قاراجات جيناۋ تۋرالى بەرىلىپ، كەيىن الىنىپ تاستالعان حابارلاندىرۋدى كورگەن. ءوزىنىڭ ارام ويىن ىسكە اسىرۋ ءۇشىن الدىمەن الەۋمەتتىك جەلىدە جەكە پاراعىن اشقان. وعان ناۋقاس بالانىڭ فوتوسۋرەتىن جانە ءوزىنىڭ بانكتىك دەرەكتەرىن كورسەتىپ، كومەك سۇراعان جازباسىن جاريالايدى. جالعان حابارلاندىرۋدى كەزدەيسوق كورىپ قالعان بالانىڭ اناسى پوليتسياعا ارىزداندى» دەيدى وبلىستىق پوليتسيا دەپارتامەنتىنىڭ باستىعى قامزا ۇمبەتقاليەۆ.

قالالىق پوليتسيا باسقارماسى №1 پوليتسيا ءبولىمىنىڭ قىزمەتكەرلەرى جالعان حابارلاندىرۋ بەرگەن ايەلدى ۇستادى. ول – اتىراۋ قالاسىنىڭ 28 جاستاعى تۇرعىنى.

«ۇستالعان ايەلدىڭ 40 مىڭ تەڭگە قارىزى بولعان. سول قارىزىن وتەۋ ءۇشىن وسىلاي ارەكەت ەتكەن. ونىڭ ەسەپشوتىنا 16-23 قاراشادا سىرقات بالاعا كومەك قولىن سوزعان ازاماتتاردان 37 مىڭ تەڭگە تۇسكەنى انىقتالدى. سوتقا دەيىنگى تەرگەۋ كەزىندە كۇدىكتى ايەل اتالعان قارجىنى سىرقات بالانىڭ اناسىنا بەردى» دەيدى دەپارتامەنت باستىعى قامزا ۇمبەتقاليەۆ.

قازىر قر قىلمىستىق كودەكستىڭ 190-بابىمەن (الاياقتىق) سوتقا دەيىنگى تەرگەۋ جۇرگىزىلۋدە.

 

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار