باكۋ, 2020 جىلعى 2 جەلتوقسان – قازاقستان ەلشىسى سەرجان ابدىكارىموۆ ازەربايجان رەسپۋبليكاسى كونستيتۋتسيالىق سوتىنىڭ توراعاسى فارحاد ابدۋللاەۆقا II دارەجەلى "دوستىق" وردەنىن, سونداي-اق اپپارات باسشىسى راۋف كۋليەۆكە "قازاقستان كونستيتۋتسياسىنا 25 جىل" مەرەيتويلىق مەدالىن تابىس ەتتى. ناگرادالار قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ جارلىعىمەن كونستيتۋتسيوناليزمنىڭ يدەيالارى مەن قاعيداتتارىن دامىتۋعا, ەكى ەلدىڭ بەيىندى ورگاندارى مەن حالىقتارى اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن تابىستالدى.
وتاندىق ديپلومات ازەربايجان رەسپۋبليكاسى كونستيتۋتسيالىق سوتىنىڭ باسشىلىعى مەن ۇجىمىنا باۋىرلاس مەملەكەتتەر مەن حالىقتاردىڭ يگىلىگى ءۇشىن ەكىجاقتى جانە كوپجاقتى فورماتتاعى قازاقستان رەسپۋبليكاسىنىڭ كونستيتۋتسيالىق كەڭەسىمەن كوپجىلدىق ءوزارا ءىس-قيمىلى مەن جەمىستى سەرىكتەستىگى ءۇشىن العىسىن ءبىلدىردى.
