رۋحانيات • 02 جەلتوقسان، 2020

ۇلىبريتانيا پارلامەنتىندە اباي مۇراسى تالقىلاندى

17 رەت كورسەتىلدى

ۇلىبريتانيا پارلامەنتىنىڭ لوردتار پالاتاسىندا اباي قۇنانباي ۇلىنىڭ 175 جىلدىعىنا وراي قازاقتىڭ ۇلى اقىنى جانە ويشىلىنىڭ مۇراسى تالقىلاندى، دەپ حابارلايدى Egemen.kz 

ونلاين-كەزدەسۋدىڭ قاتىسۋشىلارى اباي شىعارمالارىنىڭ باتىس پەن شىعىس مادەنيەتتەرى اراسىندا رۋحاني كوپىر بولا بىلگەندىگىن جانە ءالى كۇنگە دەيىن وزەكتى ەكەندىگىن اتاپ ءوتتى.

شاراعا بريتان پارلامەنتى قاۋىمدار پالاتاسىنىڭ دەپۋتاتتارى، سونداي-اق ۇلىبريتانيانىڭ تسيفرلاندىرۋ، مادەنيەت، بۇقارالىق اقپارات قۇرالدارى جانە سپورت ماسەلەلەرى بويىنشا مەملەكەتتىك ءمينيسترى دجون ۋيتتينگدەيل قاتىستى.

ەلىمىزدىڭ اتىنان قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا جانە قازاقستاننىڭ ۇلىبريتانياداعى ەلشىسى ەرلان ىدىرىسوۆ ءسوز سويلەدى. لوردتار پالاتاسىنىڭ مۇشەسى جانە "كونسەرۆاتيۆتىك پارتياداعى ەۋرازيا دوستارى" ۇيىمىنىڭ پرەزيدەنتى لورد پيتەر ليللي اباي دا شەكسپير سياقتى ءوز زامانىنىڭ قايتالانباس تۇلعاسى بولا بىلگەندىگىن جانە شىعارمالارى وزەكتىلىگىن جوعالتپاعاندىنىن تىلگە تيەك ەتتى.

"اباي ەڭبەكتەرىمەن تانىسىپ، ەرەكشە اسەر الدىم. ونىڭ تىكەلەي قازاقشادان اعىلشىنشاعا جاڭاشا اۋدارىلعان شىعارمالار جيناعى ماعان قاتتى ۇنادى. ءتارجىماشىلاردى بۇل جەتىستىگىمەن قۇتتىقتايمىن. ء"ولدى دەۋگە بولا ما ايتىڭدارشى، ولمەيتۇعىن ارتىندا ءىز قالدىرعان" دەگەن ولەڭ جولدارى بار شىعارماعا ءتانتى بولدىم. بۇل سوزدەر ابايدىڭ وزىنە دە ارنالعان سياقتى"، دەدى ول.

قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا: " ۇلى اقىننىڭ 175-جىلدىق مەرەيتويىنىڭ حالىقارالىق ماسشتابتا وتكىزۋدەگى ەڭ ماڭىزدى مىندەتتەردىڭ ءبىرى اباي شىعارماشىلىعىن الەم حالقىنا ناسيحاتتاۋ. وسىعان وراي مەرەيتوي قارساڭىندا ابايدىڭ ولەڭدەرى مەن قاراسوزدەرى 10 شەت تىلدەرىنە، سونىڭ ىشىندە فرانتسۋز، اعىلشىن، اراب، يسپان، قىتاي، جاپون، نەمىس، يتاليا، تۇرىك، ورىس تىلدەرىنە اۋدارىلىپ، اۋدارىلعان ەلدەر تىلىندە تاراتۋ جوسپارلانىپ وتىر"، دەپ تۇيىندەدى ءوز ءسوزىن.

كەزدەسۋ تەك مادەني عانا ەمەس، ەكى ەل اراسىنداعى كوممەرتسيالىق بايلانىستاردى نىعايتۋ تاقىرىبىن دا قامتىدى. ۇلىبريتانيانىڭ بيزنەس، ەنەرگەتيكا جانە ونەركاسىپ ستراتەگياسى ماسەلەلەرى بويىنشا مەملەكەتتىك ءمينيسترى پول سكاللي قازاقستاننىڭ بىرىككەن كورولدىك ءۇشىن ساۋدا-ينۆەستيتسيالىق سالالار بويىنشا ماڭىزدى ساۋدا ارىپتەسى بولىپ قالا بەرەتىنىن اتاپ ءوتتى.

سوڭعى جاڭالىقتار

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار