"بۇل ارينە قاجەتتى شەشىمدەر. بىراق وسى رەفورمالاردى ىسكە اسىرۋ كەزىندە وقىتۋشىلاردىڭ قاجەت ەمەس ەسەپتەر دايىنداۋى, جالاقىلارىنىڭ تومەندىگى جانە جۇكتەمەنىڭ كوپتىگى سياقتى ماڭىزدى ماسەلەلەر جەتكىلىكتى دەڭگەيدە قاراستىرىلماۋدا. ال, بۇل ماسەلەلەر ءبىلىم بەرۋ ساپاسىنا تىكەلەي اسەر ەتەدى. وقىتۋشىلاردىڭ باستى مىندەتى – ءبىلىم بەرۋ. بىراق ەسەپ بەرۋ, جوسپارلار تولتىرۋ سياقتى قاجەتى شامالى مىندەتتەمەلەر نەگىزگى جۇمىسپەن اينالىسۋعا كەدەرگى جاسايدى", دەيدى ءبىلىم ءمينيسترى.
سونداي-اق اسحات ايماعامبەتوۆ ءبىر وقىتۋشى 800 ساعات جۇكتەمەنى قۇرايتىن 10 پاننەن ساباق جۇرگىزۋى مۇمكىن ەكەنىن باسا ايتتى.
"جۇمىستىڭ كوپتىگىنە قاراماستان, ماردىمسىز جالاقى قاراپايىم قاجەتتىلىكتەرگە دە جەتپەي جاتادى. بۇل رەتتە وقىتۋشىنىڭ ءوزىن ءوزى كاسىبي تۇرعىدا دامىتۋىنا ۋاقىتى عانا ەمەس, باسقا دا مۇمكىندىكتەرى بولمايدى. سول سەبەپتى ءبىز وسى ماسەلەلەرگە باسا نازار اۋدارۋدامىز", دەيدى اسحات ايماعامبەتوۆ.
