قوعام • 27 قاراشا، 2020

تۇرعىن ءۇي الاياعى قولعا ءتۇستى

47 رەت كورسەتىلدى

مەملەكەتتىك باعدارلاما بويىنشا از قامتىلعان وتباسىلارعا ءۇي الىپ بەرۋگە ۋادە ەتكەن الاياق ايەل ۇستالدى، دەپ حابارلايدى Egemen.kzء ىىم سىلتەمە جاساپ.

وسى ىسپەتتەس قىلمىس جاساپ، بۇرىن سوتتى بولعان 60 جاستاعى م.ەسىمدى الاياق ايەل ءوزىن بەلگىلى ءبىر پارتيا مۇشەسى رەتىندە تانىستىرىپ، ادامداردىڭ سەنىمىنە كىرە وتىرىپ، ءىرى كولەمدە اقشا يەمدەنىپ كەتكەن. 

1

– ول ءوز قۇرباندارىن تانىستارىنىڭ اراسىنان ىزدەستىرگەن. ال الاياققا الدانعان كەيبىر ازاماتتاردىڭ الەۋمەتتىك جاعدايلارى جوعارى بولا تۇرا، باعدارلاما بويىنشا پاتەر الۋعا نيەت بىلدىرگەن. تەز ارادا پاتەردى الدىن-الا كەزەككە قويۋ ءۇشىن تولەم جاساۋدى ۇسىنعان. وسىلايشا ول، ادامداردىڭ سەنىمىنە كىرە وتىرىپ، ولاردان 300 مىڭ مەن 1،5 ميلليون تەڭگە كولەمىندە اقشا العان. الاياق ايەلدىڭ ارام پيعىلىنا الدانعان كەيبىر ازاماتتار وزدەرىنىڭ سوڭعى اقشالارىن ۇستاتا سالسا، كەيبىرەۋلەرى نەسيە الۋعا دەيىن بارعان. الايدا، اككى كەلىنشەك ەشكىمگە كومەكتەسۋگە نيەتتى ەمەس ەدى. زارداپ شەككەندەرىڭ ەشقايسىسى پاتەرلى بولمادى. ال الاياقتىق جولمەن قولىنا تۇسكەن قاراجاتتى ايەل ءوز جەكە مۇددەسىنە جۇمساپ جىبەرگەن، – دەپ مالىمدەدى الماتى قالاسى بوستاندىق اۋداندىق پب-ى جانىنداعى پوليتسيا ءبولىمىنىڭ باستىعى عالىم قاسىمباەۆ.

قازىرگى تاڭدا، كۇدىكتىنىڭ وسىنداي سەگىز الاياقتىق قىلمىستارعا قاتىستىلىعى انىقتالدى. قر قك-ءنىڭ 190-بابى 3-تارماعى 4-ءبولىمى بويىنشا قىلمىستىق ءىس قوزعالدى. تەرگەۋ امالدارى جالعاسىپ جاتىر.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار