قوعام • 27 قاراشا، 2020

ەلوردادا قانداي حالىققا قىزمەت كورسەتۋ ورتالىقتارى بار؟

7 رەت كورسەتىلدى

ەلوردادا وتباسىلىق، تۇرعىن ءۇي، كوممۋنالدىق ماسەلەلەردى شەشۋ ءۇشىن ء"بىر تەرەزە" قاعيداتى بويىنشا قىزمەت كورسەتىلەتىن مامانداندىرىلعان ورتالىقتارعا جۇگىنۋگە بولادى، دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

«IQala» قالالىق قىزمەتتەر ورتالىعى تۇرعىن ءۇي-كوممۋنالدىق سەكتور ماسەلەلەرى بويىنشا قىزمەتتەردى ونلاين-رەجيمدە الۋعا مۇمكىندىك بەرەدى. ۇيىمدا بارلىق كوممۋنالدىق قىزمەتتەردىڭ، سونداي-اق ءوز بيزنەسىن اشاتىن كاسىپكەرلەر مەن ءوزارا ءىس-قيمىل جاسايتىن باسقارمالاردىڭ وكىلدەرى جينالعان. اتاپ ايتقاندا، بۇل ساۋلەت جانە قالا قۇرىلىسى، جەر قاتىناستارى باسقارمالارى. بۇگىنگى كۇنى ورتالىق جەكە جانە زاڭدى تۇلعالار ءۇشىن 137 قىزمەت كورسەتەدى، قولدانۋشىلارعا ىڭعايلى بولۋى ءۇشىن قولجەتىمدى قىزمەتتەر ءتىزىمى پورتالدىڭ باستى بەتىندە ورنالاسقان www.iqala.kz. ورتالىقتىڭ فرونت-كەڭسەسى مىنا مەكەن-جايدا ورنالاسقان: پر. قوشقارباەۆا، 29. IQala جۇمىسى تۋرالى تۋىنداعان بارلىق سۇراقتار بويىنشا قالا تۇرعىندارى 109 بىرىڭعاي ەلوردالىق بايلانىس ورتالىعىنىڭ (i-Komek) تەلەفونى بويىنشا حابارلاسا الادى.

«جانۇيا» وتباسى ينستيتۋتىن قولداۋ ورتالىعىندا زاڭگەرلىك، پسيحولوگيالىق جانە الەۋمەتتىك كومەك كورسەتىلەدى. ماماندار ءار وتباسىمەن جەكە جۇمىس جۇرگىزەدى. ەلوردا تۇرعىندارىنا open space الاڭىندا قوعامدىق دەنساۋلىق ساقتاۋ، جۇمىسقا ورنالاسۋ، ءبىلىم الۋ، تۇرعىن ءۇي الۋ جانە بيزنەس اشۋ ماسەلەلەرى بويىنشا جۇيەلى كەڭەستەر مەن كومەك كورسەتىلەدى.
ورتالىقتا بارلىق جاعداي جاسالعان. ەرەكشە قاجەتتىلىكتەرى بار ادامدارعا ارنالعان ليفتىلەر جۇمىس جاسايدى، ال بالالارعا ارناپ ارنايى ويىن ايماعى اشىلعان، وندا ورتالىق قىزمەتكەرلەرى ولاردى قاداعالايدى.

ويقو بەيبىتشىلىك كوشەسى، 14 مەكەن-جايىندا ورنالاسقان. ورتالىق جۇمىس كۇندەرى 09:00-دەن 18:00-گە دەيىن جۇمىس ىستەيدى. تۋىنداعان سۇراقتار بويىنشا "جانۇيا" بايلانىس تەلەفونىنا +7-7172-27-82-98 ءنومىرى بويىنشا حابارلاسۋعا بولادى. قاجەتتى اقپاراتتى ورتالىقتىڭ Instagram پاراقشاسىنان كورۋگە بولادى.

تۇرعىن ءۇي سالاسىندا قىزمەت كورسەتۋ جونىندەگى بىرىڭعاي ورتالىقتا تۇرعىن ءۇي ماسەلەلەرى بويىنشا كەڭەس الۋعا بولادى. تۇرعىن ۇيگە كەزەككە تۇرۋ، كەزەك ءنومىرىن تەكسەرۋ، تۇرعىن ءۇي باعدارلامالارىنا قاتىسۋ شارتتارى، تۇرعىن ءۇي سەرتيفيكاتىن الۋ، كرەديتتىك/جالعا بەرىلەتىن پاتەرلەر ماسەلەلەرى جانە ت.ب.

ورتالىقتا ارنايى ماماندار قىزمەتىن الۋعا بولادى. وندا تۇرعىن ءۇي قۇرىلىس جيناق بانكىنىڭ كەڭەسشىلەرى دە جۇمىس ىستەيدى. بىرىڭعاي تۇرعىن ءۇي ورتالىعى رەسپۋبليكا داڭعىلى، 32 مەكەنجايى بويىنشا ورنالاسقان.

نۇر-سۇلتانداعى ازاماتتىق باستامالار ورتالىعى بەلسەندى ەلوردالىقتار مەن ۇكىمەتتىك ەمەس ۇيىمدارعا قالاداعى الەۋمەتتىك نەمەسە مادەني ورتانى جاقسارتۋ جونىندەگى جوبالاردى ىسكە اسىرۋعا كومەكتەسەدى. ابو-دا اقپاراتتىق-ادىستەمەلىك قولداۋ، كەڭەس بەرۋ، وقىتۋ ءىس-شارالارى جۇرگىزىلەدى. ورتالىق جوبالار قۇنىن ەسەپتەۋگە، سونداي-اق قارجىلاندىرۋ ماسەلەسىن شەشۋگە كومەكتەسەدى. تۇرعىنداردىڭ بەلگىلى ءبىر الەۋمەتتىك ماسەلەنى شەشۋگە جانە ونى قالاي جاساۋعا بولاتىنىن ءبىلۋ ءۇشىن، ازاماتتىق باستامالار ورتالىعىنا جۇگىنۋگە بولادى. ول ءۇشىن civilcenterelorda.kz سايتىندا كونسۋلتاتسياعا ءوتىنىم قالدىرۋ قاجەت نەمەسە مىنا نومىرلەرگە قوڭىراۋ شالىڭىز: +7 7172 32 35 19، + 7 771 050 15 37، +7 708 800 28 87.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار