تەكسەرۋ بارىسىندا مەكتەپ اكىمشىلىگى تاراپىنان «پەداگوگ مارتەبەسى تۋرالى» قر زاڭ تالاپتارى بۇزىلعانى انىقتالدى. سونداي-اق مەكتەپ مۇعالىمدەرى كاسىبي مىندەتتەرىنە جاتپايتىن جۇمىس تۇرلەرىنە تارتىلعان. ماسەلەن, 2019-2020 وقۋ جىلىنىڭ سوڭىندا شىمكەنت قالاسىنداعى №125 مەكتەپ مۇعالىمدەرى مەكتەپتە جوندەۋ جۇمىستارىن جۇرگىزىپ, مىندەتتى تىزبەدە جوق قۇجاتتاردى تولتىرعان. ودان بولەك, مەكتەپ اكىمشىلىگى ۇستازداردى گازەتتەر مەن جۋرنالدارعا جازىلۋعا ماجبۇرلەگەن.
ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ وڭىرلىك دەپارتامەنتى جۇرگىزگەن جوسپاردان تىس تەكسەرۋ قورىتىندىسى بويىنشا №125 جالپى ورتا ءبىلىم بەرۋ مەكتەبىنىڭ لاۋازىمدى تۇلعالارى زاڭنامانىڭ بۇزىلۋىنا جول بەرگەنى ءۇشىن اكىمشىلىك جاۋاپقا تارتىلدى.
