پارلامەنت • 27 قاراشا، 2020

ماۋلەن اشىمباەۆ تمد پاا شارالارىنا قاتىستى

14 رەت كورسەتىلدى

تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ پارلامەنتارالىق اسسامبلەياسى كەڭەسىنىڭ وتىرىسى مەن ۇيىمنىڭ 51-ءشى جالپى وتىرىسى ونلاين تۇردە ءوتتى. وعان سەنات توراعاسى ماۋلەن اشىمباەۆ جانە پارلامەنت دەپۋتاتتارى قاتىستى. بۇل تۋرالى سەناتتىڭ ءباسپاسوز قىزمەتى حابارلادى.

وتىرىسقا قاتىسۋشىلار تمد ەلدەرىنىڭ پاندەميامەن كۇرەس بويىنشا قابىلداپ جاتقان زاڭنامالىق شارالاردى، سونداي-اق ەۋرازيالىق كەڭىستىكتەگى ەكونوميكالىق ىنتىماقتاستىق جانە ونى نورماتيۆتىك-قۇقىقتىق قامتاماسىز ەتۋ ماسەلەلەرىن تالقىلادى.

وتىرىس بارىسىندا تمد پاا كەڭەسىنىڭ توراعاسى سايلاندى.

ماۋلەن اشىمباەۆ قازاقستان پارلامەنتى دەلەگاتسياسىنىڭ اتىنان تاۋەلسىز مەملەكەتتەر دوستاستىعى اياسىنداعى پارلامەنتارالىق ىنتىماقتاستىقتى دامىتۋعا قوسقان زور ۇلەسىن ەسكەرە وتىرىپ ۆالەنتينا ماتۆيەنكونى تمد پاا كەڭەسىنىڭ توراعاسى قىزمەتىنە قايتا سايلاۋدى ۇسىندى. قاتىسۋشىلار بۇل ۇسىنىسقا قولداۋ ءبىلدىردى.

ماۋلەن اشىمباەۆ ءوز سوزىندە ۇيىمنىڭ جۇمىسىن جوعارى باعالادى.

«بۇگىندە پارلامەنتارالىق اسسامبلەيا ءبىزدىڭ ەلدەرىمىز اراسىنداعى پارلامەنتارالىق ىنتىماقتاستىقتى نىعايتۋدا ماڭىزدى ءرول اتقارادى. ول حالىقارالىق دەڭگەيدەگى سىندارلى ديالوگ پەن ءوزارا ءىس - قيمىلدىڭ قاجەتتى الاڭىنا اينالدى»، - دەپ اتاپ ءوتتى سەنات توراعاسى.

كۇن تارتىبىندە سونداي-اق تمد ەلدەرىنىڭ مەملەكەتتىك بيلىك ورگاندارىنا الداعى جىلعى سايلاۋدى بايقاۋعا دايىندىق ماسەلەلەرى تالقىلاندى.

ماۋلەن اشىمباەۆ قازاقستاندا پارلامەنت ءماجىلىسى مەن جەرگىلىكتى وكىلدى ورگاندار – ماسليحاتقا سايلاۋ 2021 جىلدىڭ 10 قاڭتارىندا وتەتىنى تۋرالى قاتىسۋشىلاردى حاباردار ەتتى. ول تمد پاا-داعى ارىپتەستەرىنىڭ وكىلدەرىن سايلاۋعا بايقاۋشى رەتىندە جىبەرۋگە شاقىردى.

سەنات توراعاسى سوڭعى ۋاقىتتا قازاقستاندا مەملەكەت باسشىسىنىڭ تاپسىرماسى بويىنشا ساياسي سالادا ەلەۋلى وزگەرىستەر جۇزەگە اسىپ جاتقانىن اتاپ ءوتتى.

«ولار، اتاپ ايتقاندا، ەلىمىزدىڭ سايلانبالى ورگاندارىندا ءتۇرلى الەۋمەتتىك توپتار وكىلدەرىن كوبىرەك قامتاماسىز ەتۋگە مۇمكىندىك بەرەدى. ماسەلەن، پارتيالىق تىزىمدەرگە ايەلدەر مەن جاستارعا وتىز پايىزدىق كۆوتا ەنگىزىلدى. بۇل جاس ۇرپاق پەن ايەلدەردىڭ پارلامەنت پەن ءماسليحاتتار قىزمەتىنە كوبىرەك قاتىسۋىن قامتاماسىز ەتۋگە مۇمكىندىك بەرەدى»، - دەدى ماۋلەن اشىمباەۆ.

سەنات توراعاسى قازاقستانداعى پارلامەنتتىك وپپوزيتسيانىڭ جاڭا ينستيتۋتى تۋرالى دا ايتتى.

«ەلىمىز پرەزيدەنتىنىڭ باستاماسى بويىنشا پارلامەنتتىك وپپوزيتسيا ينستيتۋتى زاڭ جۇزىندە بەكىتىلدى. ماجىلىسكە وتكەن وپپوزيتسيالىق پارتيالارعا كوميتەتتەر قۇرامىندا باسشىلىق لاۋازىمداردى اتقارۋ قۇقىعىنا كەپىلدىك بەرىلگەن. وندا ماجىلىستەگى ءبىر تۇراقتى كوميتەتتىڭ توراعاسى مەن ەكى كوميتەتى حاتشىسىنىڭ لاۋازىمدارى تۋرالى ايتىلىپ وتىر. پارلامەنتتىك وپپوزيتسياعا پارلامەنتتىك تىڭداۋلارعا باستاماشىلىق جاساۋ، بالاما زاڭ جوبالارىن ەنگىزۋ جانە ماجىلىستەگى ۇكىمەت ساعاتىنىڭ كۇن ءتارتىبىن ازىرلەۋ مۇمكىندىگى بەكىتىلەدى»، - دەدى ماۋلەن اشىمباەۆ.

سول كۇنى تمد پاا-نىڭ 51-ءشى جالپى وتىرىسى بولدى. وندا قاتىسۋشى ەلدەردىڭ پارلامەنتشىلەرى تمد-عا قاتىسۋشى مەملەكەتتەردىڭ مادەني مۇرا نىساندارىن ساقتاۋ تۋرالى كونۆەنتسيانىڭ جوباسىن، سونداي-اق بىرقاتار ۇلگى كودەكستەر مەن زاڭداردى قارادى.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار