قوعام • 27 قاراشا، 2020

ەلوردادا ساۋدا ۇيلەرىنىڭ سەنبى كۇندەرى جۇمىسقا دايىندىعى تەكسەرىلدى

2 رەت كورسەتىلدى

ەلوردادا ساۋدا-ويىن-ساۋىق ورتالىقتارى مەن ساۋدا ورتالىقتارىنىڭ سەنبى كۇنگى جۇمىسقا دايىندىعى تەكسەرىلدى، دەپ حابارلايدى Egemen.kz اكىمدىكتىڭ رەسمي سايتىنا سىلتەمە جاساپ.

ينۆەستيتسيالار جانە كاسىپكەرلىكتى دامىتۋ باسقارماسى، اۋدان اكىمدىكتەرى مەن سانيتارلىق ەپيدەميولوگيالىق قاداعالاۋ دەپارتامەنتى وكىلدەرى بىرقاتار ءىرى ساۋدا نىساندارىندا - «جاننۇر» ساۋدا ۇيىندە، «اسەم» بازارىندا، «كەرۋەن»، «ازيا پارك» ساۋدا ويىن-ساۋىق ورتالىقتارى جانە ت.ب. مونيتورينگ جۇرگىزدى.

«مونيتورينگ كورسەتكەندەي، بارلىق نىساندار سەنبى كۇنى جۇمىس ىستەۋگە دايىن، ولار باس سانيتارلىق دارىگەردىڭ بارلىق قاجەتتى تالاپتارىن ورىنداعان»، - دەدى ينۆەستيتسيالار جانە كاسىپكەرلىكتى دامىتۋ باسقارماسى باسشىسى رۋسلان ىدىرىسوۆ.

ەستەرىڭىزگە سالا كەتەيىك، جاڭا قاۋلىعا سايكەس، ەلورداداعى ساۋدا ۇيلەرى، ساۋدا جانە ويىن-ساۋىق ورتالىقتارى دا سەنبىدە ساعات 09: 00-دەن 20: 00-گە دەيىن جۇمىس ىستەيتىن بولادى. جەكسەنبى كۇندەرى جۇمىس جاساۋعا تىيىم سالۋ ساقتالادى. كەلۋشىلەر ماسكا تاعۋى، الەۋمەتتىك قاشىقتىق ساقتاۋى، تەرمومەتريا، انتيسەپتيكتەر مەن سانيتايزەر قولدانۋ مىندەتتى.

«ەگەر ءموبيلدى توپتار ساۋدا ويىن-ساۋىق ورتالىقتارىندا شەكتەۋ شارالارى مەن كارانتين تالاپتارى بۇزىلعانىن انىقتاسا، وندا رۇقسات الىنىپ تاستالادى جانە ولار سەنبىدە جۇمىس ىستەمەيدى. كەلۋشىلەر ماسكا تاعۋى كەرەك، تەرمومەتريا قاجەت، زالداردا - انتيسەپتيكتەر، سانيتايزەرلەر بولۋى ءتيىس. ءار بۋتيكتە قاشىقتىق ساقتالۋى، ءار ادامعا ءتورت شارشى مەتر ءبولىنۋى كەرەك. كەلۋشىلەر سانى 30% -دان اسپاۋى قاجەت»، - دەدى بايقوڭىر اۋداندىق تاۋارلار مەن كورسەتىلەتىن قىزمەتتەر ساپاسى مەن قاۋىپسىزدىگىن باقىلاۋ باسقارماسى باسشىسىنىڭ ورىنباسارى سالتانات يكلاسوۆا.

ساۋدا ورىندارىندا ورنالاسقان سۇلۋلىق سالوندارىنا، اتەلەلەرگە، حيميالىق تازارتۋ ورىندارىنا، شاشتارازدارعا، اياق كيىم جوندەۋ شەبەرحانالارىنا جاڭا كەستە ەنگىزىلدى. اتالعان كاسىپكەرلىك سۋبەكتىلەرى بارلىق سانيتارلىق ەرەجەلەردى قاتاڭ ساقتاي وتىرىپ، سەنبى مەن جەكسەنبى كۇندەرى 09: 00-دەن 20: 00-گە دەيىن جۇمىس ىستەي الادى.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار