ونلاين وتىرعان وقۋشىلار ىندەتتى قايدان جۇقتىرىپ جاتىر؟

ايماقتار • 27 قاراشا، 2020

ونلاين وتىرعان وقۋشىلار ىندەتتى قايدان جۇقتىرىپ جاتىر؟

115 رەت كورسەتىلدى

الماتىدا ەپيدەميالىق جاعدايدىڭ ناشارلاۋى بايقالادى. بۇل تۋرالى بۇگىن الماتى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى – الماتى قالاسىنىڭ مەملەكەتتىك باس سانيتار دارىگەرى جانداربەك بەكشين باق وكىلدەرى زارىعا كۇتكەن ونلاين-بريفينگتە تومەندەگىدەي مالىمەتتەرمەن ءبولىستى.

ايناش ەسالى

الماتىدا كۆي قازان ايىندا قايتا باس كوتەردى. بۇل ايدا 366 كۆي وقيعاسى تىركەلىپ، قىركۇيەك ايىمەن سالىستىرعاندا 2،2 ەسە جوعارى (165 كۆي جاعدايى) بولدى.

بيىلعى جىلدىڭ 26 قاراشاسىنداعى جاعداي عا سايكەس، 1122 كۆي جاعدايى تىركەلگەنى بەلگىلى بولىپ وتىر. قىركۇيەكپەن سالىستىرعاندا ىندەت 7 ەسەگە ءوستى. ءاربىر كۆي ەپيدەميالىق تەرگەۋىندە كۆي ءجيى تارايتىن ورىندار انىقتالدى:

قوعامدىق ورىندار (تۇنگى كلۋبتار، تاماقتانۋ ورىندارى، ساۋدا جانە ويىن-ساۋىق ورتالىقتارى، ساۋدا ۇيلەرى مەن بازارلار) – 33،7%، ۇيدە جۇقتىرعاندار – 28،7%، قالالىق كولىك – 18،5%، جۇمىس ورنىندا جۇقتىرعاندار – 13،1%، شەت ەلدەردەن ىندەت الىپ كەلگەندەر – 3،5%، 2،1% جاعدايى انىقتالماعان.

كۆي-مەن اۋىراتىن ناۋقاستاردىڭ جاس توپتارى اراسىندا بەلسەندى جاس 20-39 جاس ارالىعىنداعىلار، بۇل جوعارىدا اتالعان مەكەمەلەرگە باراتىن جاستار، دەمەك جۇمىسقا بارار جولدا، قوعامدىق ورىنداردا بولعاندا ينفەكتسيانى جۇقتىرىپ ۇيگە الىپ كەلگەندەر:

كۆي جاسى بويىنشا	01.10.2020-26.11.2020
كۆي جاسى بويىنشا	بارلىعى	%
14 جاسقا دەيىن	125	8،4
15-19 جاس	59	4
20-29 جاس	187	12،6
30-39 جاس	316	21،2
40-50 جاس	277	18،6
51-59 جاس	175	11،8
60-69 جاس	212	14،2
70 جاستان جوعارى	137	9،2
بارلىعى:	1488

الماتىدا قىركۇيەك ايىنان بەرى 115 وقۋشى كوروناۆيرۋس جۇقتىرعان. ونىڭ 109 ونلاين رەجيمىندە وقىپ جاتقان بالادان انىقتالدى. ونلاين رەجيمىندەگى وقۋشىلار اراسىندا جانە وتباسى مۇشەلەرىنىڭ اراسىندا ىندەتتىڭ جۇقتىرۋدىڭ وسۋىنە ەڭ الدىمەن، تۇنگى كلۋبتاردىڭ تۇراقتى كليەنتتەرى سەبەپشى بولىپ وتىر.

– قالاداعى ەپيدەميالىق جاعدايدىڭ تۇراقسىزدىعىنا بايلانىستى ءبىز تۇرعىنداردى پروفيلاكتيكالىق شارالاردى قاتاڭ ساقتاۋعا شاقىرامىز. وزگە ادامداردان قاشىقتىقتا بولىڭىز، ماسكا كيىڭىز! مەكتەپ جاسىنداعى ءداستۇرلى تۇردە وقىپ جاتقان بالالار اراسىندا كۆي جۇقتىرۋدىڭ ءوسۋى بايقالىپ وتىر. بۇعان بىردەن-ءبىر سەبەپشى بولىپ وتىرعان بالالاردىڭ ساباقتان تىس ۋاقىتتا كومپيۋتەرلىك كلۋب نەمەسە باسقا دا جابىق جەرلەردە ءجيى بولۋى. سونىمەن قاتار وتباسى مۇشەلەرىنىڭ دە ىندەت الىپ كەلۋى جوققا شىعارىلمايدى. ياعني، كلۋبتار، رەستوراندار جانە تاعى دا باسقا ادامدار كوپ جينالاتىن جيىنداردان الىپ كەلەتىندىگى انىقتالىپ جاتىر، – دەيدى الماتى قالاسىنىڭ مەملەكەتتىك باس سانيتار دارىگەرى.

الماتى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز