جانداربەك بەكشين الماتىنىڭ ەپيدەميالىق احۋالى تۋرالى مالىمدەمە جاسادى

ايماقتار • 27 قاراشا، 2020

جانداربەك بەكشين الماتىنىڭ ەپيدەميالىق احۋالى تۋرالى مالىمدەمە جاسادى

91 رەت كورسەتىلدى

اراعا ايتارلىقتاي ءۇزىلىس سالىپ بارىپ، بۇگىن الماتى قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى – الماتى قالاسىنىڭ مەملەكەتتىك باس سانيتار دارىگەرى جانداربەك بەكشين باق وكىلدەرى زارىعا كۇتكەن ونلاين-بريفينگتە تومەندەگىدەي مالىمەتتەرمەن ءبولىستى.

ايناش ەسالى

– بۇگىنگى تاڭدا، ءبىزدىڭ الماتىدا ىندەتتىڭ ءوسۋى قارقىنى ەپيدەميالىق احۋالدى ناشارلاتىپ وتىر. جىل باسىنان بەرى اۋماقتا كوروناۆيرۋستىق ينفەكتسيانىڭ 15876 جاعدايى جانە 1140 ەتيولوگياسى انىقتالماعان پنەۆمونيا تىركەلدى، بۇل سارى ايماقتان شىعۋعا مۇمكىندىك بەردى، – دەيدى جانداربەك بەكشين.

وسىعان قاراماستان، ەپيدەميالىق احۋالدىڭ ناشارلاۋى بايقالادى. 26 قاراشاداعى جاعدايعا سايكەس، المالى جانە بوستاندىق اۋداندارى سارى بەلدەۋدە (سلايد) اۋرۋشاڭدىق دەڭگەيى سايكەسىنشە 28،5 جانە 29،4، Rt ينديكاتورى ەكى اۋداندا 1،1-گە تەڭ. اۋەزوۆ (21،2) جانە مەدەۋ (23،3) اۋداندارى كوروناۆيرۋستىق ينفەكتسيانىڭ جيىلىگى بويىنشا «قاۋىپتى» ايماقتا. تارالۋ يندەكسى بويىنشا ەڭ تۇراقتى جاعداي جەتىسۋ (0،9) جانە تۇركسىب (1،0) اۋداندارىندا بايقالادى.

الماتىدا كۆي قازان ايىندا قايتا باس كوتەرىپ، 366 كۆي وقيعاسى تىركەلگەن بولاتىن، بۇل قىركۇيەك ايىمەن سالىستىرعاندا 2،2 ەسە جوعارى (165 كۆي جاعدايى). بيىلعى 26 قاراشاداعى سوڭعى مالىمەتتەر 1122 كۆي جاعدايى تىركەلگەنىن دايەكتەپ، قىركۇيەكپەن سالىستىرعاندا اۋرۋ 7 ەسەگە ءوستى. ءاربىر كۆي ەپيدەميولوگيالىق تەرگەۋىندە كۆي جاعدايلارىنىڭ كەلەسى جۇقتىرۋ ورىندارى انىقتالدى:

قوعامدىق ورىندار (تۇنگى كلۋبتار، تاماقتانۋ ورىندارى، ساۋدا جانە ويىن-ساۋىق ورتالىقتارى، ساۋدا ۇيلەرى مەن بازارلار) – 33،7%

ۇيدە جۇقتىرعاندار – 28،7%

قالالىق كولىك – 18،5%

جۇمىس ورنىندا جۇقتىرعاندار – 13،1%

شەت ەلدەردەن ىندەت الىپ كەلگەندەر – 3،5%

2،1% جاعدايى انىقتالماعان.

كۆي-مەن اۋىراتىن ناۋقاستاردىڭ جاس توپتارى اراسىندا بەلسەندى جاس 20-39 جاس ارالىعىنداعىلار، بۇل جوعارىدا اتالعان مەكەمەلەرگە باراتىن جاستار، دەمەك جۇمىسقا بارار جولدا، قوعامدىق ورىنداردا بولعاندا ينفەكتسيانى جۇقتىرىپ ۇيگە الىپ كەلگەندەر.

الماتى

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز