ايماقتار • 27 قاراشا، 2020

"تۇيەلەر" دەكوراتيۆتى-بەدەرلى پاننو قالپىنا كەلتىرىلۋدە

17 رەت كورسەتىلدى

مۇسىندىك تۋىندىنىڭ اۆتورى پاۆەل شوروحوۆ الماتى اكىمى ب. ساعىنتاەۆتىڭ وتىنىشىنە جاۋاپ رەتىندە ۋاقىتتان جانە ۆاندالداردىڭ قولىنان زارداپ شەككەن كومپوزيتسيانى باستاپقى قالپىنا كەلتىرۋدى قولعا الدى، - دەپ جازادى Egemen.kz

الماتى اكىمى باقىتجان ساعىنتاەۆ Instagram-داعى ءوزىنىڭ پاراقشاسىندا پاننونىڭ الماتىلىقتار ءۇشىن سۇيىكتى ساۋلەت بەينەلەرىنىڭ بىرىنە اينالعانىن جازدى.

«تۇيەلەر» ساندىك بەدەرلى پاننوسىنىڭ اۆتورى ءارى ءمۇسىنشى پاۆەل شوروحوۆ كومپوزيتسيانى باستاپقى قالپىنا كەلتىرۋ تۋرالى ءوتىنىشىمدى ماقۇلدادى. 1982 جىلى جاسالعان پاننو دوستىق سكۆەرىندە تۇر. بۇگىندە ول الماتىلىقتاردىڭ سۇيىكتى ارحيتەكتۋرالىق بەينەلەرىنىڭ ءبىرى»، - دەپ اتاپ ءوتتى ب. ساعىنتاەۆ.

الماتى اكىمى پاۆەل شوروحوۆ الماتىنىڭ ۆيزيتتىك كارتوچكاسىنا اينالعان بىرقاتار مۇسىندىك تۋىندىلاردىڭ اۆتورى ەكەنىن ەسكە سالدى. ولار - ارباتتا تۇرعان «ويىنداعى بالالار»، «فلامينگو»، «لوتوس»، سونداي-اق قازاق مەملەكەتتىك تسيركىنىڭ جانىنداعى «اكروباتكا»، «پانتەرا»، «سايقىمازاق» جانە ت.ب. ونىڭ جۇمىستارى قازاقستان، رەسەي، گەرمانيا، اۆستريا، يتاليا مۋزەيلەرىنە قويىلعان.

پ. شوروحوۆتىڭ ايتۋىنشا، قازىر ول سىرتقى قابىقتى قالپىنا كەلتىرۋ جۇمىستارىمەن اينالىسۋدا.

«كورىپ تۇرعاندارىڭىزداي، مىس قابىقتىڭ وڭ جانە سول جاق شەتتەرى ج ۇلىنىپ قالعان. كوپ زيان كەلتىرىلگەن. مىس قاباتىنىڭ شامامەن ۇشتەن ءبىر بولىگى زاقىمدالعان. مودەلدىڭ ءوزى تەمىربەتونمەن قۇراستىرىلعان»، - دەپ ءتۇسىندىردى اۆتور.

وسىدان كەيىن چەكانكانى قالپىنا كەلتىرۋ ءارى بەلگىلى ءبىر رەڭك بەرۋ ءۇشىن تونيروۆكا جاساپ، قابىقتى رەتتەۋ كەرەك. پ. شوروحوۆتىڭ ايتۋىنشا، پاننونى قالپىنا كەلتىرۋ قيىن ءارى ونى جوندەۋ ءۇشىن شامامەن ون كۇن قاجەت.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار