ايماقتار • 27 قاراشا، 2020

اقتوبەدە "ەر ەدىگە – نوعايلى ءداۋىرىنىڭ جىرى" البومى جارىق كوردى

183 رەت كورسەتىلدى

اقتوبەدە  «ەر ەدىگە – نوعايلى ءداۋىرىنىڭ جىرى» تاقىرىبىمەن وتكەن  حالىقارالىق عىلىمي-تاجىريبەلىك كونفەرەنتسيادا  جىر البومىنىڭ تۇساۋكەسەرى بولدى دەپ حابارلايدى Egemen.kz

“رۋحاني جاڭعىرۋ: بولاشاققا باعدار” باعدارلاماسى شەڭبەرىندە ۇيىمداستىرىلعان وسى شاراعا وبلىس اكىمى وڭداسىن ورازالين، ەسىمدەرى ەلگە تانىمال بىرقاتار عالىمدار قاتىستى. قازاق ۇلتتىق ونەر ۋنيۆەرسيتەتىنىڭ پروفەسسورى، جىراۋ الماسبەك الماتوۆ، “ەدىگە باتىردى ” جىرلاعان جىراۋ قايروللا يمانعاليەۆتىڭ ۇرپاعى قاراقالپاقستاننان ارنايى كەلگەن نۋريددەن قايروللاەۆ،  ونلاين رەجيمدە نۇر-سۇلتان قالاسىنان قر  پارلامەنتى سەناتىنىڭ دەپۋتاتى، زاڭ عىلىمدارىنىڭ دوكتورى، پروفەسسور مۇحتار قۇل- مۇحاممەد، گەرمانيادان  شىعىستانۋشى، تۇركى حالىقتارىنىڭ قاھارماندىق ەپوسىن زەرتتەۋشى، پروفەسسور كارل رايحل، رف ۋ.اليەۆ اتىنداعى قاراشاي-شەركەس مەملەكەتتىك ۋنيۆەرسيتەتىنىڭ پروفەسسورى، فيلولوگيا عىلىمدارىنىڭ دوكتورى ناسيپحان سۋيۋنوۆا، قر مەملەكەتتىك سىيلىعىنىڭ لاۋرەاتى، تاريحشى، دراماتۋرگ، پروفەسسور انەس ساراي قاتىستى. ولار ۆيدەوبايلانىس ارقىلى ەدىگە باتىر جايىنداعى پىكىرلەرىن ورتاعا سالا وتىرىپ، ۇلتتىق ونەرىمىزدى جاڭعىرتۋعا قوسقان ۇلەسى ءۇشىن وبلىس اكىمى وڭداسىن ورازالينگە العىس ءبىلدىردى.

جيناق 10 دىبىستىق جازبا ديسكىسىنەن تۇرادى، 500 دانامەن شىعارىلعان. مۇندا ەلىمىزدىڭ ءار وڭىرىنەن شىققان 40-تام استام جىرشى-جىراۋدىڭ ورىنداۋىنداعى دىبىستىق جازباعا تۇسىرىلگەن 50 مىڭ جولدان استام جىر توپتاستىرىلعان. البومنىڭ ءبىرىنشى تومىندا «قىرىمنىڭ قىرىق باتىرى» مەن «ەدىگە باتىر» جىرلارىنىڭ باستى قاھارماندارىنا قاتىستى  تاريحي مالىمەتتەر بەرىلىپ، جىردى وسى كۇنگە دەيىن جەتكىزگەن  جىرشى-جىراۋلاردىڭ ءومىرباياندارى  قازاق، ورىس جانە اعىلشىن تىلىنە اۋدارىلعان. جيناققا «ەدىگە» مەن «قىرىمنىڭ قىرىق باتىرى»، «وراق-ماماي»، «قاراساي-قازي» قاھارماندىق داستاندارىن جىرلاعان مۇرىن سەڭگىرباي ۇلى، نۇرتۋعان، نۇرپەيىس بايعانين نۇسقالارىنان وزگە  ەل ىشىنەن ءار كەزەڭدە جيناقتالسا دا،  بۇرىن-سوڭدى  جارىققا شىقپاعان جىرلار دا ەنگىزىلگەن.

“ەدىگە باتىر – تاريحي تۇلعا. وسى ورايدا ورتا عاسىرداعى ايبىندى مەملەكەتىمىز التىن وردانىڭ 750 جىلدىعىنا تۇسپا-تۇس كەلىپ وتىرعان بۇگىنگى  شارانىڭ دا ورنى ەرەكشە”،-دەپ اتاپ ءوتتى وڭداسىن ورازالين. ءوڭىر باسشىسى  الداعى  ۋاقىتتا دا ەدىگە باتىر مەن ونىڭ ۇرپاقتارىنا قاتىستى قولعا العان تىڭ جوبالار مەن زەرتتەۋلەر جۇيەلى تۇردە ىسكە اسىرىلاتىنىن جەتكىزدى. سونىڭ ىشىندە  تاريحي-ەتنوگرافيالىق ەكسپەديتسيالار ۇيىمداستىرۋ، «ەدىگە» جىرىن جاتقا ايتۋدان  مەكتەپ وقۋشىلارىنىڭ اراسىندا سايىستار وتكىزۋ، وڭىردە كاسىبي جىراۋلىق مەكتەپ قالىپتاستىرۋ جولدارى، ونەرتانۋشىلار دايىنداۋ  تۋرالى ۇسىنىستار ماقۇلداندى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

ۇقساس جاڭالىقتار