قوعام • 26 قاراشا، 2020

الماتى جوو-لارىندا وتباسىلىق قۇندىلىقتار جايلى ونلاين-ترەنينگتەر ءوتتى

25 رەت كورسەتىلدى

وسى ماسەلەمەن اينالىسىپ جۇرگەن «زور رۋح» قايىرىمدىلىق قورى الماتى قالاسى قوعامدىق دامۋ باسقارماسىنىڭ قولداۋىمەن «وتباسى ينستيتۋتى» جوباسى اياسىندا الماتىداعى جوعارى وقۋ ورىنداردىڭ ستۋدەنتتەرى ءۇشىن ZOOM پلاتفورماسىندا وتباسىن قۇرۋ، وتباسى ينستيتۋتىن نىعايتۋ جانە تۇرمىستىق زورلىق-زومبىلىقتىڭ الدىن الۋ جونىندەگى ونلاين-دارىستەر مەن سەمينار-ترەنينگتەر ۇيىمداستىردى، دەپ حابارلايدى Egemen.kz.

«مەنىڭ بولاشاق وتباسىم»، «رەپرودۋكتيۆتى دەنساۋلىق»، «ەكونوميكا جانە وتباسىلىق بيۋدجەت» تاقىرىپتارىندا دارىستەردى ءال-فارابي اتىنداعى قازۇۋ وتباسىلىق قۇندىلىقتاردى زەرتتەۋ ورتالىعىنىڭ ديرەكتورى، پسيحولوگيا عىلىمدارىنىڭ كانديداتى، دوتسەنت مايرا كاباكوۆا وتكىزدى.

ونلاين سەمينار-ترەنينگتەرگە ءال-فارابي اتىنداعى قازۇۋ، اباي اتىنداعى قازۇپۋ، «تۇران» ۋنيۆەرسيتەتى، «قاينار» اكادەمياسى، جۇرگەنوۆ اتىنداعى قازاق ۇلتتىق اكادەمياسى، س.ج.اسفەندياروۆ اتىنداعى مەديتسينا ۋنيۆەرسيتەتى، «نارحوز» ۋنيۆەرسيتەتى، ەۋرازيالىق تەحنولوگيالىق ۋنيۆەرسيتەتتەرىنەن 500-دەن استام ستۋدەنت قاتىستى.

وتباسىلىق ءومىر – بۇل ۇلكەن شىعارماشىلىق جوبا! ەگەر وسى ماڭىزدى جوبا شەڭبەرىندەگى قىزمەت پەن قارىم-قاتىناس ءلاززات، قۋانىش سىيلاسا، وندا ءسىز باقىتتى ادامسىز، – دەپ ەسەپتەيدى الماتى قالاسىنىڭ جاستار مەن وتباسىن تۇراقتى دامىتۋ ءبولىمىنىڭ باسشىسى ورىنباسار قۇدايبەرگەنوۆ.

ەستەرىڭىزگە سالا كەتەيىك، الماتى قالاسىنىڭ قوعامدىق دامۋ باسقارماسىنىڭ قولداۋىمەن «وتباسى ينستيتۋتى» جوباسىنىڭ ماقساتى – الماتى قالاسىندا وتباسى ينستيتۋتىن نىعايتۋ جانە تۇرمىستىق زورلىق-زومبىلىقتىڭ الدىن الۋ. وسى الەۋمەتتىك تاپسىرىستى تىكەلەي جۇزەگە اسىرۋمەن «زور رۋح» قايىرىمدىلىق قورى اينالىسادى.

جوبا حالىقتى الەۋمەتتىك قورعاۋ جۇيەسىندە وتباسىلىق-باعدارلانعان ءتاسىلدى دامىتۋعا، وتباسى ينستيتۋتىن نىعايتۋعا جانە تۇرمىستىق زورلىق-زومبىلىقتىڭ الدىن الۋعا باعىتتالعان. ونىڭ اياسىندا الماتى قالاسىندا وتباسى ينستيتۋتىن نىعايتۋعا جانە وتباسى مۇشەلەرىنە تۇرمىستىق زورلىق-زومبىلىقتىڭ الدىن الۋعا بايلانىستى پسيحولوگيالىق، قۇقىقتىق، ءبىلىم بەرۋ جانە باسقا دا ماسەلەلەر بويىنشا اقپاراتتىق-كونسۋلتاتسيالىق جانە رەسۋرستىق قولداۋ كورسەتىلەدى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار