بالىقتىڭ قىزىعىنا ءتۇسىپ كەتكەن ول مۇزدىڭ ۇستىمەن كوپ ءجۇرىپ, قويىپ كەتكەن ماشيناسىنان 12-15 كم الىستاپ كەتىپتى. ەندى قايتايىن دەسە ءوزىنىڭ جولدان اداسىپ كەتكەنىن بىلەدى. كەشكە كۇن سۋىتقان, قاراڭعىلىق قويۋلانا تۇسكەن. ساسقان بالىقشى تۇنگى ساعات 01.30 كەزىندە قالتافونىمەن 112 تەلەفونىنا قوڭىراۋ شالىپ, كومەكتەسۋلەرىن سۇراعان.
بالىقشىنى ىزدەۋگە قىزىلجار اۋداندىق تج ءبولىمىنىڭ باستىعى اسلان احمەتجانوۆ باستاعان توپ شىعىپ, تاڭعى ساعات بەسكە دەيىن ىزدەۋ شارالارىن جۇرگىزەدى. اقىرىندا بالىقشى بايتەرەك اۋىلىنان 2 شاقىرىم جەردەن تابىلعان. توڭىپ, قورىققانى بولماسا بالىقشى امان ەكەن. قۇتقارۋشىلار العىسىن اياماعان ونى ماشيناسىنا امان-ەسەن جەتكىزگەن.
