حالىقارالىق جاسىل تەحنولوگيالار مەن ينۆەستيتسيالىق جوبالار ورتالىعى بازاسىنداعى عىلىمي-ساراپتامالىق قاۋىمداستىقتىڭ جينالىسىندا عىلىمي قاۋىمداستىق تۇجىرىمدانى جەتىلدىرۋ بويىنشا ۇسىنىستارىن ايتتى.
«عالىمدار جانە ازاماتتىق قوعاممەن بىرگە قازاقستاننىڭ 2050 جىلعا دەيىنگى تومەن كومىرتەكتى دامۋ تۇجىرىمداماسىن ازىرلەپ جاتىرمىز. وندا پارنيكتى گازداردىڭ قالدىعىن ازايتۋ سەكىلدى ءتۇرلى ءىس-شارالار قارالعان. جيىن بارىسىندا عىلىمي قاۋىمداستىق تۇجىرىمدانى جەتىلدىرۋ بويىنشا ۇسىنىستارىن ايتتى»,- دەپ جازدى مينيستر.
ەسكە سالايىق, مەملەكەت باسشىسى جولداۋىندا «جاسىل دامۋ» جانە ەل ەكونوميكاسىن تەرەڭ كومىرتەكسىزدەندىرۋ بويىنشا ۇسىنىستار جيىنتىعىن دايىنداۋعا ەرەكشە نازار اۋدارعان.
مينيستر ماعزۇم مىرزاعاليەۆ اتاپ وتكەندەي, كليمات ماسەلەلەرى وزگە دە ەلدەردىڭ ساياساتىندا ۇلكەن ءرول وينايدى. مىسالى, بىلتىر ەۋرووداق 2050 جىلعا دەيىنگى پارنيك گازدارى شىعارىندىلارىنىڭ نەتتو-نولدىك كورسەتكىشىنە جەتۋ بويىنشا ەۋروپالىق جاسىل كەلىسىمدى قابىلدادى. قازاقستان دا بۇل باعىت بويىنشا العا قادام باسىپ كەلەدى.
