الماتىنىڭ تۇرعىن ءۇي ساياساتى باسقارماسىنداعىلار ورىندالعان جۇمىستار جونىندەگى اكتىنىڭ ەكى كۇن بۇرىن بەرىلگەنىن ايتتى.
ايتا كەتەرلىگى, باسقارما كۇن سايىن ورىندالعان جۇمىستارعا جانە ونىڭ ساپاسىنا مونيتورينگ جۇرگىزەدى. ەگەر تۇرعىنداردان نەمەسە پيك تاراپىنان شاعىمدار تۇسەتىن بولسا, وندا مۇنداي جۇمىستار قابىلدانبايدى.
"زالالسىزداندىرۋ جۇمىستارى پيك وكىلدەرىنىڭ, ال ولار بولماعان كەزدە ءار ۇيدەگى جاۋاپتى جانداردىڭ نەمەسە تۇرعىنداردىڭ قول قويۋلارى ارقىلى راستالادى. ءبىزدىڭ تاراپىمىزدان ورىندالعان جۇمىستاردىڭ اكتىلەرى بويىنشا پروبلەمالار جوق, ءبىز ولاردى تەكسەرەمىز, سودان كەيىن تولەمگە جىبەرەمىز. اقشا تەك اكتىلەر ۇسىنىلعان كەزدە عانا تولەنەدى. ەرتە ۇسىنىلعان جانە راستالعان بارلىق اكتىلەرگە اقشا تولەندى. قازىرگى كەزدە كەيىن تۇسكەن اكتىلەر تەكسەرىلۋدە. كەلىسىمشارت تالاپتارىنا سايكەس تولەم اياقتالعاندىعى تۋرالى اكت ۇسىنىلعان كۇننەن باستاپ ءبىر اي ىشىندە تولەنەدى", دەپ اتاپ ءوتتى تۇرعىن ءۇي ساياساتى باسقارماسىنداعىلار.
سونىمەن قاتار, مەردىگەرلەر زالالسىزداندىرۋ جونىندەگى بارلىق ەسەپتەردى وتكىزسە, تولەم قايتا جۇرگىزىلەتىن بولادى.
