ءبىر كيلوگرامم ماريحۋانا دەگەنىڭىز ۇلكەن كولەم, بىراق سونىڭ ءبارىن ساتپايمىن, تەك ءوزىم تۇتىنامىن دەگەنگە پەتروپاۆل قالاسى سوتىنىڭ سۋدياسى سەنىپ, وعان 85 مىڭ تەڭگە ايىپپۇل عانا سالعان. ماريحۋانا 15 پوليەتيلەندى تۇيىنشەكتەرگە ءبولىنىپ بۋىلعان ەكەن, ءوزى عانا تۇتىناتىن بولسا ەسىرتكىنى وسىلاي بولشەكتەر مە ەدى؟ نانعىسى كەلسە ءبىزدىڭ قىزىل جاعالار دا, سوتتار دا بالاشا الدانىپ قالادى ەكەن عوي...
تاسىمالداۋشى بۇرىن ماشينا جۇرگىزۋ قۇقىنان دا ايرىلعان ادام بولىپ شىقتى. ول تۇگىل ماشينانى يەلەنەتىنىن كۋالاندىراتىن قۇجاتتارى دا بولماعان. سوت وسى بۇزۋشىلىقتارى ءۇشىن وعان قوسىمشا 139 مىڭ تەڭگە ايىپپۇل سالعان.
جىل باسىنان سولتۇستىكقازاقستاندىق پوليتسەيلەر زاڭسىز اينالىمنان 400 كگ استام ءتۇرلى ەسىرتكى زاتىن تاركىلەدى. ونىڭ 350 كگ استامى ماريحۋانا, ال 1 كگ 690 گرامى – سينتەتيكالىق ەسىرتكى, سونداي-اق 372 گرامم گەروين.
