ولار – اقتوبە وبلىسى بويىنشا گرەك-ريم, ەركىن جانە ايەلدەر كۇرەسى فەدەراتسياسىنىڭ پرەزيدەنتى راحات سىدىقوۆ, وبلىس اكىمىنىڭ ورىنباسارى امانعالي بەردالين, «DARU MEDICAL GROUP» جشس-ءنىڭ باس ديرەكتورى عالىمجان ەلەۋوۆ, «Jas Otan» جاستار قاناتى اقتوبە وبلىستىق فيليالىنىڭ توراعاسى اسىلجان بۇركىتالين. الدىڭعى ەكەۋىنىڭ اۋىل, اۋدان, شارۋاشىلىق باسقارۋدا تاجىريبەسى مول, ءۇشىنشىسى –كاسىپكەر, سوڭعىسى –بەلسەندى جاس.
بۇگىن Nur Otan پارتياسىنىڭ اقتوبە وبلىستىق فيليالىنىڭ عيماراتىندا ءوڭىر باسشىسى وڭداسىن ورازالين باستاعان جەرگىلىكتى نۇروتاندىقتار قۇرىلتايدى ونلاين رەجيمدە تاماشالادى. ەندى جەلتوقساننىڭ باس كۇندەرىندە ء ماجىلىس جانە وبلىستىق ءماسليحات سايلاۋىنا قاتىساتىن ىرىكتەلگەن كانديداتتار سايلاۋالدى باعدارلامالارىن ءتۇسىندىرۋ ماقساتىندا جۇرتشىلىقپەن جوسپارلى كەزدەسۋلەرىن باستايدى. بۇل جولى دەپۋتاتتىققا ۇمىتكەرلەر حالىق سەنىمىنە يە بولۋ ءۇشىن: «بوس ءسوز بەن قۇرعاق ۋادە ەمەس, ناقتى ارەكەتتەر عانا حالىق سەنىمىنە جانە ساياسي كوشباسشىلىققا قول جەتكىزۋگە مۇمكىندىك بەرەدى. سوندىقتان پارتيا مەملەكەتتىك باسقارۋ جۇيەسىن جاڭعىرتۋدى مىقتاپ قولعا الادى», دەپ پرەزيدەنت ق. توقاەۆ بەلگىلەپ كورسەتكەندەي, تراسفورماتسيالانعان قوعامنىڭ بولاشاق باعدارىنا ساي جاڭاشا ارەكەت ەتۋى ءتيىس.
پاندەميا ەكونوميكاعا عانا ەمەس, قوعامدىق ساناعا دا, ادامي قارىم-قاتىناستارعا دا تۇبەگەيلى اسەر ەتكەن قازىرگى ۋاقىتتا جۇرتشىلىقتىڭ سەنىمىنە يە بولۋدىڭ وڭاي ەمەستىگىن دەپۋتاتتىققا كانديداتتار دا جاقسى ءتۇسىنىپ وتىر.
