قازاقستان • 26 قاراشا، 2020

​​قازاقستاندا كەڭ اۋقىمدى "كيىك" اكتسياسى باستالدى

13 رەت كورسەتىلدى

قازاقستاندا كەڭ اۋقىمدى «كيىك» تابيعاتتى قورعاۋ اكتسياسى باستالدى. بۇل – كيىكتەردىڭ براكونەرلىگىنە، ولاردىڭ دەريۆاتتارىن، سونداي-اق فاۋنانىڭ باسقا دا تۇرلەرىن ساتۋعا جانە وتكىزۋگە ماماندانعان ۇيىمدىسقان قىلمىستىق توپتاردىڭ قىزمەتىن انىقتاۋ جانە جولىن كەسۋ جۇمىستارىن كۇشەيتۋ ماقساتىنداعى ءداستۇرلى شارا. اكتسيا 2020 جىلدىڭ 31 جەلتوقسانىنا دەيىن جالعاسادى.

«كيىك» اكتسياسىنا «وحوتزووپروم ءوب» رمقك-نىڭ جانۋارلار دۇنيەسىن قورعاۋ قىزمەتىنەن 224 ينسپەكتور، 68 بىرلىك جول تالعامايتىن اۆتوماشينالار ، 37 بىرلىك كۋنگ، 23 بىرلىك قاردا جۇرگىش، 2 بىرلىك «بەرلوگا» ۆاگونشالارى ء(ووف، ءبوف) جۇمىلدىرىلادى. «وحوتزووپروم ءوب» رمقك باس ديرەكتورىنىڭ تاپسىرماسىنا سايكەس، ەرەكشە قورعالاتىن تابيعي اۋماقتار مەن جانۋارلار دۇيەسىن ەسەپتەۋ جانە مونيتورينگ بولىمدەرىنەن ينسپەكتورلار تارتىلادى.

بۇدان باسقا ءاربىر وڭىرلىك فيليالدا وبلىستىق اۋماقتىق ينسپەكتسيالار مەن ءىىم وكىلدەرى قاتارىنان (2020 جىلعى 01-31 جەلتوقسان ارالىعىندا) بىرلەسكەن موبيلدىك توپتار جۇمىس ىستەيدى. سونداي-اق پاندەميا كەزەڭىندە اكىمدىكتىڭ كەلىسىمىمەن بەلگىلەنگەن كارانتيندىك بلوك بەكەتتەرىندە «كيىك» كەڭ اۋقىمدى اكتسياسى بويىنشا بىرلەسكەن ءىس-شارالار جۇرگىزىلمەك.

«كيىك» اكتسياسى اقمولا، اقتوبە، اتىراۋ، جامبىل، باتىس قازاقستان، شىعىس قازاقستان، قاراعاندى، قوستاناي، قىزىلوردا، ماڭعىستاۋ، پاۆلودار جانە سولتۇستىك قازاقستان وبلىستارىنىڭ اۋماعىندا وتكىزىلەدى.

2019 جىلى كيىكتەردى زاڭسىز اتۋدىڭ 47 براكونەرلىك فاكتىسى انىقتالىپ، 641 ۇشا مەن 284 كيىكتىڭ ءمۇيىزى تاركىلەندى. 203 اكىمشىلىك حاتتاما تولتىرىلىپ، قىلمىستىق جازاعا 43 زاڭ بۇزۋشى تارتىلدى. تابيعات رەسۋرستارىنا كەلتىرىلگەن شىعىن 3،3 ملرد تەڭگەنى قۇرادى.

ايتا كەتەيىك، 2019 جىلى مەملەكەت باسشىسىنىڭ تاپسىرماسىمەن قازاقستاندا براكونەرلىككە قارسى جازا ەداۋىر كۇشەيتىلگەن. براكونەرلىكپەن، زاڭسىز اڭ اۋلاۋشىلىقپەن كۇرەس قر ەكولوگيا، گەولوگيا جانە تابيعي رەسۋرستار مينيسترلىگى جۇمىسىنىڭ باسىم باعىتتارىنىڭ ءبىرى بولىپ تابىلادى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

ۇقساس جاڭالىقتار