قازاقستان • 26 قاراشا، 2020

سەناتورلار ەنەرگەتيكانى دامىتۋعا قولايلى جاعدايلار جاسالاتىنىن ايتتى

5 رەت كورسەتىلدى

جاڭارتىلاتىن ەنەرگەتيكانى دامىتۋ ءۇشىن قولايلى جاعداي جاسالادى. بۇل قادامدار بۇگىن سەناتتىڭ جالپى وتىرىسىندا قابىلدانعان "قازاقستان رەسپۋبليكاسىنىڭ كەيبىر زاڭنامالىق اكتىلەرىنە جاڭارتىلاتىن ەنەرگيا كوزدەرىن پايدالانۋدى قولداۋ جانە ەلەكتر ەنەرگەتيكاسى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭىندا قامتىلعان، دەپ حابارلايدى Egemen.kz پارلامەنت سەناتىنىڭ ءباسپاسوز قىزمەتىنە سىلتەمە جاساپ.

زاڭ جوباسى پارلامەنت دەپۋتاتتارىنىڭ باستاماشىلىعىمەن ازىرلەندى.

"جاڭارتىلاتىن ەنەرگەتيكانى دامىتۋ ءۇشىن قولايلى جاعدايلار جاساۋ كوزدەلگەن. بۇل ماقساتتا ۇسىنىلىپ وتىرعان شارالاردىڭ قاتارىندا جاڭارتىلاتىن ەنەرگيا كوزدەرىنىڭ ەلەكتر ەنەرگياسىن ساتىپ الۋعا ارنالعان كەلىسىمشارتتىڭ قولدانىلۋ مەرزىمىن 15 جىلدان 20 جىلعا دەيىن ۇلعايتۋ ۇسىنىلادى. ول ينۆەستورعا اۋكتسيوندىق ساۋدا-ساتتىقتا نەعۇرلىم تومەن تاريفتەردى ۇسىنۋعا جاعداي جاسايدى. بۇل ءوز كەزەگىندە تۇتىنۋشىلاردىڭ شىعىندارىن تومەندەتۋگە مۇمكىندىك بەرەدى"، دەدى قۇجات بويىنشا بايانداما جاساعان پارلامەنت ءماجىلىسىنىڭ دەپۋتاتى شاۆحات وتەمىسوۆ.

سونىمەن قاتار، زاڭ جوباسىندا جاڭارتىلاتىن ەنەرگيا كوزدەرى جوبالارى الدىنداعى تولەمدەر بويىنشا ءوز مىندەتتەسىن ورىنداماعان جاعدايدا، ۇكىمەت تاراپىنان قارجى-ەسەپ ايىرىسۋ ورتالىعىنا كومەك كورسەتۋ تۋرالى نورما ەنگىزىلگەن. ونىڭ ايتۋىنشا، كەلەسى تۇجىرىمدامالىق ۇسىنىس قارجى-ەسەپ ايىرىسۋ ورتالىعى ارقىلى تاسقىندىق ەلەكتر ەنەرگياسىن ورتالىقتاندىرىلعان ساتىپ الۋ-ساتۋدى ەندىرۋگە ارنالعان.

"قولدانىستاعى "ەلەكتر ەنەرگەتيكاسى تۋرالى" زاڭعا سايكەس، گيدروەلەكترستانسالار تابيعاتتى قورعاۋ ءۇشىن سۋ جىبەرۋ كەزەڭىندە وندىرىلەتىن ەلەكتر قۋاتىن ورتالىقتاندىرىلعان ساۋدا-ساتتىقتا ساتۋعا مىندەتتى. بۇل رەتتە، تاسقىندىق ەلەكتر ەنەرگياسى باعاسىن مەملەكەت رەتتەمەيتىن ترەيدەرلەر ساتىپ الادى. جۇيەلىك وپەراتوردىڭ دەرەكتەرى بويىنشا كوكتەمگى سۋ تاسقىنى كەزىندەگى سۋ تاسقىنى ەلەكتر ەنەرگياسىنىڭ جىل سايىنعى كولەمى ورتا ەسەپپەن 300 ملن كۆت/س قۇرايدى. ورتالىقتاندىرىلعان ساۋدا-ساتتىقتا ترەيدەرلەر 1 كۆت/ساع ءۇشىن 2-3 تەڭگە شەگىندە تاسقىن ەلەكتر ەنەرگياسىن ساتىپ الادى جانە ەكى-ءۇش ەسە قىمبات ساتادى"، دەدى ش.وتەمىسوۆ.

وسىعان بايلانىستى، گيدروەلەكترستانسالاردىڭ تاسقىندىق ەلەكتر ەنەرگياسىن "كەگوك" كومپانياسىنا قارايتىن قارجى-ەسەپ ورتالىعىنا ساتۋ مىندەتىن زاڭنامالىق تۇردە بەكىتۋ ۇسىنىلدى. ول ءوز كەزەگىندە وسى قىمبات ەمەس تاسقىندىق ەلەكتر ەنەرگياسىن ەلدىڭ بارلىق تۇتىنۋشىلارى اراسىندا بولەدى.

"زاڭ جوباسى مانەۆرلىك قۋاتتار كولەمىن جانە جاڭارتىلاتىن ەنەرگيا كوزدەرىنىڭ ۇلەسىن ۇلعايتۋ ءۇشىن قولايلى جاعداي جاساۋعا مۇمكىندىك بەرەدى دەگەن ويدامىز"، دەدى ءماجىلىس دەپۋتاتى.

بۇدان بۇرىن حابارلانعانداي، سەناتتىڭ جالپى وتىرىسىندا اتالعان قۇجاتتىڭ نەگىزگى تۇجىرىمدامالىق جاڭالىقتارى ءتۇسىندىرىلدى. ەسكە سالا كەتەيىك، جاقىندا قر ەنەرگەتيكا ءمينيسترى نۇرلان نوعاەۆ جاڭارتىلاتىن ەنەرگيا كوزدەرىن دامىتۋ جوسپارى تۋرالى ايتتى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

ۇقساس جاڭالىقتار