قوعام • 25 قاراشا، 2020

جاقسىلىق جاساۋدان جالىقپايدى

36 رەت كورسەتىلدى

قازىر كەيبىر جاس وتباسىلار وزدىگىنەن باسپانا الۋعا شامالارى كەلە بەرمەيدى. ەڭبەكاقىنىڭ ماردىمسىزدىعى ۇكىمەتتىڭ قولداۋ باعدارلاماسىنا ەنىپ، نەسيە الۋىنا مۇمكىندىك تۋدىرمايدى. ال اتا-انالارى تاراپىنان كومەك جوق، ويتكەنى كەيبىرىنىڭ ءوزى كۇنىن زورعا كورىپ وتىر.

سولتۇستىك قازاقستان وبلىسىنىڭ تايىنشا اۋدانىنىڭ تۇرعىنى دەنيس دوبراتانىڭ وتباسى دا سوندايدىڭ ءبىرى بولعان. ول ايەلى ەلەنامەن ەكەۋى بىرەۋدىڭ ەسكى ءۇيىن جالداپ، سەگىز جىل تۇرىپ كەلگەن ەدى. قانشا جوندەسە دە ءبىر تەسىگىن بىتەسە، ەكىنشىسى شىعاتىن ەسكى ءۇي جاس وتباسىنا پانا بولا المايدى. جاس بالالارى بەتىنەن بوزداعى شىعىپ، ازىناعان ۇيدە ءبىر جىلىنا الماي، ۇنەمى دىردەكتەۋمەن جۇرەدى. اراق ءىشىپ، بۇزاقىلىق قىلماسا دا تۇرمىس جاعدايلارى تومەن، بالالارىن تالاپقا ساي اسىراي المايتىن وتباسى رەتىندە الەۋمەتتىك قولداۋ قىزمەتى ولاردىڭ بوبەكتەرىن مەملەكەتتىڭ قاراۋىنا الۋ قاۋپى بار ەكەنىن ەسكەرتىپ كەتەدى.

وسىنداي قىسىلتاياڭ شاقتا ءۇي يەلەرى «مەيىرىمدى جۇرەك» دەگەن قوعامدىق قورى بار ەكەنىن ەستىپ، ولارعا كومەكتەسپەس پە ەكەن دەپ قايرىلادى. قورقا سوعىپ بارسا جالىنداعان جاس جىگىتتەر مەن قىزدار بۇلاردىڭ جاعدايىنا بەلسەنە ارالاسىپ كەتەدى. ۆولونتەرلەر ءۇيدىڭ جاعدايىن زەرتتەپ، اينالاسى ءبىر اپتانىڭ ىشىندە جاڭا باسپانا الىپ بەرگەندە جاس وتباسىنىڭ توبەسى كوككە ءسال-اق جەتپەي قالعان. ەندى 2021 جىلدى ءوزىمىزدىڭ وشاعىمىزدا قارسى الاتىن بولدىق دەگەن ەرلى-زايىپتىلار جۋرناليستەرگە ەكى ەزۋلەرى ەكى قۇلاعىنا جەتكەن قۋانىشپەن ايتىپ جاتتى.

«مەيىرىمدى جۇرەك» قورىنىڭ ۆولون­تەر­لەرى وسى اۋدانداعى «تيولاين» جشس جاعدايدى ءتۇسىندىرىپ، جاس وتباسىنا كو­مەك­تەسۋدى وتىنگەن ەكەن. قولىنان كەل­گەن كومەگىن سەرىكتەستىك اياپ قالماي، ادام­گەر­شىلىك جاساپ، جاس وتباسىنا اۋماعى 70 شارشى مەتر بولاتىن ءبىرشاما جاڭا ءۇيدى ساتىپ الىپ بەرەدى. سەرىكتەستىكتىڭ باسشىسى ۆيكتور دولگالەۆتىڭ ءوزى بۇل ماسەلە تۋرالى بىلاي دەيدى: ء«بىز ادامداردى وسى جەرگە ورنىقتىرۋ ماقساتىن الدىمىزعا قويىپ وتىرمىز. ادامدارسىز، جاقسى جۇمىسشىلارسىز، شەبەر ماماندارسىز جاقسى تابىسقا جەتۋ مۇمكىن ەمەس. سوندىقتان ءبىز ادامداردىڭ ۇلتى­نا، سەنىمىنە، كاسىبىنە قاراماي تەك جۇ­مىس ىستەي الاتىن بولسا وسى جەرگە ورنىق­تىرۋعا تىرىسامىز. «مەيىرىمدى جۇرەك» قورىنا ءبىز ءوزىمىز قايرىلىپ، ءبىزدىڭ وسىنداي تالابىمىزدان شىعاتىن وتباسىلارىن قاراستىرۋدى وتىنگەن ەدىك. ءبىزدىڭ جالعىز شارتىمىز بار، ول – ادام اراق ىشپەۋى كەرەك. وسىنداي بولسا ءبىز كومەگىمىزدى ايامايمىز. وسى جىلدىڭ اياعىنا دەيىن تاعى ءبىر جاس وتباسىنا وسىنداي كومەك جاساۋدى جوسپارلاپ وتىرمىز. مىنە، ءبىزدىڭ شارتىمىزدان شىققان مىنا وتباسىنا كومەكتەسكەنىمىزگە ءوزىمىز دە قۋانىپ تۇرمىن».

«مەيىرىمدى جۇرەك» قورىنىڭ تورا­عاسى ەكاتەرينا سافونوۆا جاس وتباسىنا ءۇي عانا ەمەس، بارلىق قاجەتتى جي­­ھاز­داردى دا ساتىپ اپەرگەنىن ايتتى. ۆولونتەرلەردىڭ كۇشىمەن جوندەۋ جۇ­مىس­تارىن دا وزدەرى جۇرگىزىپ بەرىپتى. بۇل ىستەرگە تايىنشا قالاسىنداعى «اشىق جۇرەك» قوعامىنىڭ بەلسەندىلەرى اتسالىسقان. ولار جەرگىلىكتى قايىرىمدى كاسىپكەرلەردى ۇيىمداستىرىپ، جاس وتباسىنا قاجەتتى تۇرمىستىق زاتتاردىڭ ءبارىن الىپ بەرگەن ەكەن.

ءبىزدىڭ ارامىزدا ادامگەرشىلىكتىڭ تۋىن جوعارى ۇستايتىن وسىنداي جاندار بار. ولار جاقسىلىق جاساۋدان جالىق­پاي­دى. ءاربىر يگىلىكتى ىستەرىنە الدىمەن وزدەرى قۋانسا، كومەك العاندار ءتىپتى رازى.

 

سولتۇستىك قازاقستان وبلىسى

 

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇلاننان شىققان ۇلاعات يەسى

قوعام • بۇگىن، 08:00

قازاق ءۆالسىنىڭ كورولى

تەاتر • بۇگىن، 07:56

ۇقساس جاڭالىقتار