قوعام • 24 قاراشا، 2020

ەلوردالىق 10 كوللەدجگە "قاسيەتتى قازاقستان" كىتاپتارى تابىستالدى

32 رەت كورسەتىلدى

«Nur Otan» پارتياسى بىرلىك فيليالى مەن نۇر-سۇلتان قالاسى بويىنشا  «رۋحاني جاڭعىرۋ» جوبالىق كەڭسەسىنىڭ ۇيىمداستىرۋىمەن ەلوردانىڭ 10 ورتا ارناۋلى وقۋ ورنىنا 100 دانادان «قاسيەتتى  قازاقستان» كىتاپتارىن تابىستادى، دەپ حابارلايدى Egemen.kz.

ءىس-شاراعا «Nur Otan» پارتياسى بىرلىك فيليالى توراعاسىنىڭ ءبىرىنشى ورىنباسارى شىڭعىسحان قوجاحمەتوۆ، نۇر-سۇلتان قالاسى بويىنشا  «رۋحاني جاڭعىرۋ» جوبالىق كەڭسەسىنىڭ باسشىسى اقەركە جۇمانباەۆا، ۇلتتىق اكادەميالىق كىتاپحاناسىنىڭ باسشىسى ءۇمىتحان مۇڭالباەۆا جانە ەلورداداعى 10 ورتا ارناۋلى وقۋ ورنىنىڭ باسشىلارى قاتىستى.

«وقۋعا قۇشتار مەكتەپ – وقۋعا قۇشتار ۇلت» جوباسى مادەني بىلىكتىلىكتى ارتتىرۋ جانە وقىرمان بەلسەندىلىگىن ارتتىرۋعا باعىتتىلعان.

«الەمدەگى كىتاپتى ەڭ كوپ وقيتىن ەلدەر – قىتاي، فيليپپين، ەگيپەت جانە ەۋروپا ەلدەرى اراسىندا چەحيا. ءبىز دە وسى قاتارعا قوسىلامىز دەپ ۇمىتتەنەمىن. ارينە، ەگەر وسى باعىت بويىنشا جۇيەلى جۇمىس جۇرگىزبەسەك، بۇل ارناعا ىلەسە الماي قالۋىمىز دا مۇمكىن. بۇگىنگى شارانىڭ باستى ماقساتى دا وسى، ياعني جاسوسپىرىمدەردىڭ كىتاپ وقۋعا دەگەن قىزىعۋشىلىعىن ارتتىرۋ ەدى»، – دەدى نۇر-سۇلتان قالاسى بويىنشا «رۋحاني جاڭعىرۋ» جوبالىق كەڭسەسىنىڭ باسشىسى اقەركە جۇمانباەۆا. 

«Nur Otan» پارتياسى بىرلىك فيليالى توراعاسىنىڭ ءبىرىنشى ورىنباسارى شىڭعىسحان قوجاحمەتوۆتىڭ ايتۋىنشا، الداعى ۋاقىتتا «رۋحاني جاڭعىرۋ» جوبالىق كەڭسەسىمەن بىرلەسىپ، بالاباقشا مەڭگەرۋشىلەرىمەن دە وسىنداي كەزدەسۋ وتكىزۋ جوسپارلانىپ وتىر.

جيىندا ءسوز العان كوللەدج باسشىلارى بولاشاقتا كاسىپتىك ءبىلىم بەرەتىن ارناۋلى ورتا وقۋ ورىندارىنداعى تەحنيكالىق كىتاپتاردى قازاق تىلىنە اۋدارۋ جاعى قولعا الىنسا دەگەن ۇسىنىستارىن ءبىلدىردى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار