قازاقستان • 24 قاراشا، 2020

قازاقستان مەن گونكونگتىڭ سىبايلاس جەمقورلىققا قارسى ۆەدومستۆولارى ىنتىماقتاستىقتى نىعايتۋدا

14 رەت كورسەتىلدى

24 قاراشادا قر گونكونگتاعى باس كونسۋلىنىڭ ىقپالداسۋىمەن سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆتىڭ شەتەلدىك ەڭ ۇزدىك ۆەدومستۆولاردىڭ ءبىرى گونكونگتىڭ سىبايلاس جەمقورلىققا قارسى كۇرەس جونىندەگى تاۋەلسىز كوميسسياسىنىڭ كوميسسارى سايمون پەمەن ونلاين كەزدەسۋى ءوتتى، دەپ حابارلايدى Egemen.kz.

ا. شپەكباەۆ گونكونگتىق ارىپتەستەرىن ەلىمىزدە جۇرگىزىلىپ جاتقان رەفورمالارمەن تانىستىرىپ، ساياسي جاڭعىرتۋ شارالارىنا، جەمقورلىققا قارسى زاڭنامانىڭ نوۆەللالارىنا جانە مەملەكەت باسشىسىنىڭ جولداۋىندا ايتىلعان باستامالارعا نازار اۋداردى.

ءوز كەزەگىندە سايمون پە قازاقستاننىڭ سىبايلاس جەمقورلىققا قارسى ءىس-قيمىلداعى جانە مەملەكەتتىك قىزمەتتى رەفورمالاۋداعى ەداۋىر جەتىستىكتەرىن اتاپ ءوتتى. اتاپ ايتقاندا، ول مەملەكەت باسشىسىنا تىكەلەي باعىناتىن جانە قىلمىستىق تاجىريبەنىڭ، الدىن-الۋ مەن اعارتۋدىڭ كەشەندى فۋنكتسيالارى بار اگەنتتىك قۇرۋدىڭ ماڭىزدى ءرولىن اتاپ ءوتتى. قازاقستاندىق ۆەدومستۆو قۇرىلىمىنىڭ نەگىزى رەتىندە وڭتۇستىك-شىعىس ازيا، ەۋروپا ەلدەرى، گونكونگ ۇلگىلەرءى قابىلداندى.

تاراپتار سىبايلاس جەمقورلىققا قاتىستى جاعدايدى تۇبەگەيلى وزگەرتۋگە مۇمكىندىك بەرگەن گونكونگ ارىپتەستەرىنىڭ تاجىريبەسىن تالقىلادى. سىبايلاس جەمقورلىققا قارسى تاۋەلسىز ورگان قۇرۋ، «م ۇلىكتى پاراعا ساتىپ الماعانىڭدى دالەلدە» قاعيداتىن ەنگىزۋ، ازاماتتاردىڭ قۇقىقتىق مادەنيەتىن ارتتىرۋ – تابىستىڭ كىلتىنە اينالدى.

سىبايلاس جەمقورلىققا قارسى اۋقىمدى اعارتۋ جانە ءبىلىم بەرۋ جەمقورلىققا توزبەۋدى قالىپتاستىرۋداعى جانە پاراساتتىلىق مادەنيەتىن كەڭەيتۋدەگى ماڭىزدى فاكتورلار. ءبىز بۇل جۇمىستى 40 جىل بۇرىن باستادىق جانە وسى ۋاقىتقا دەيىن بىرنەشە ۇرپاق اۋىستى. وسىنىڭ ارقاسىندا بۇگىندە حالىقتىڭ 99%-ى جەمقورلىق كورىنىستەرىنەن ادال»، دەپ اتاپ ءوتتى سايمون پە. ول سونداي-اق قازاقستاننىڭ وسى باعىتتا جۇرگىزىپ جاتقان جۇمىسىنا جوعارى باعا بەردى.

گونكونگتا كوميسسيا قىزمەتكەرلەرىنىڭ كاسىبيلىگىنە زور كوڭىل بولىنەدى. بارلىق جاڭادان قابىلدانعان قىزمەتكەرلەر تەرگەۋ، الدىن-الۋ جانە ءبىلىم بەرۋ تاجىريبەسىن قوسا العاندا، ءبولىمنىڭ ماماندانۋى مەن جاۋاپكەرشىلىگىنىڭ نەگىزگى باعىتتارى بويىنشا ءبىر جىلدىق جەدەل وقىتۋدان وتەدى.

ۆەدومستۆولار تاۋەلسىز كوميسسيا جانىنداعى سىبايلاس جەمقورلىققا قارسى زەرتتەۋلەر جانە حالىقارالىق وقىتۋ ورتالىعى نەگىزىندە نەعۇرلىم تىعىز ىنتىماقتاستىق تۋرالى ۋاعدالاستى. ىنتىماقتاستىق تالدامالىق زەرتتەۋلەردىڭ ناتيجەلەرىمەن، وقىتۋ ءىس-شارالارىمەن جانە ەكى جاقتى ساپارلارمەن الماسۋ اياسىندا بولماق.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار