بۇل باستاما قۇقىق قورعاۋ ورگاندارىنىڭ كيكشەرينگ كومپانيالارى مەن جەتكىزۋ قىزمەتتەرىنىڭ وكىلدەرىمەن وتكەن كەزدەسۋدە تالقىلانعان.
الماتى قالاسى پوليتسيا دەپارتامەنتى باستىعىنىڭ ورىنباسارى عالىم سارعۇلوۆتىڭ ايتۋىنشا, بۇل شارا بيزنەسكە قىسىم كورسەتۋ ءۇشىن ەمەس, ەڭ الدىمەن تۇرعىنداردىڭ قاۋىپسىزدىگىن قامتاماسىز ەتۋگە باعىتتالعان.
«رەتسىز قالدىرىلعان ساموكاتتار تاركىلەنەدى. قاۋىپسىزدىكتى قامتاماسىز ەتۋ ءۇشىن كيكشەرينگ كومپانيالارى, اكىمدىك, پروكۋراتۋرا جانە باسقا دا مۇددەلى تاراپتاردىڭ قاتىسۋىمەن ۆەدومستۆوارالىق جۇمىس توبى قۇرىلادى», دەدى ول.
جاڭا جۇمىس توبى ەلەكتروساموكاتتار, ەلەكتر ۆەلوسيپەدتەر, موپەدتەر جانە كۋرەرلىك قىزمەتتەردىڭ قاۋىپسىزدىگىن ارتتىرۋعا ارنالعان ناقتى ۇسىنىستار ازىرلەمەك.
1 شىلدەدەن باستاپ ەلەكتروساموكاتتارعا مەملەكەتتىك ءنومىر بەرىلەدى
سوڭعى جىلدارى ەلەكتروساموكاتتار قالا تۇرعىندارى اراسىندا كەڭىنەن قولدانىلعانىمەن, جول-كولىك وقيعالارى دا جيىلەگەن. پوليتسيا دەرەگىنشە, 2025 جىلى الماتىدا ەلەكتروساموكاتتاردىڭ قاتىسۋىمەن 386 جول-كولىك وقيعالارى تىركەلگەن.
