ايماقتار • 24 قاراشا، 2020

قىمبات ماشينانى قىمقىرعاندار قولعا ءتۇستى

35 رەت كورسەتىلدى

كەز كەلگەن ماشينانىڭ ۇرلانۋى توتەنشە وقيعا، يەسىنە ۇلكەن قاسىرەت، ويتكەنى وعان ماڭداي تەر، تابان اقىڭدى سالىپ، ساتىپ الاسىڭ. ال ەندى «Toyota Land Cruiser» سياقتى پەتروپاۆل قالاسىنداعى 2-3 ءۇش بولمەلى پاتەردىڭ قۇنىنا تەڭ قىمبات دۇنيەنىڭ ۇرلانۋى ءتىپتى ەرەكشە وقيعا. حالىق اراسىندا تەك «دجيپ» دەپ اتالاتىن وندايلارعا ۇرىلار جاقىنداي قويمايتىن. تەك ءبىر كەزدە ايناسىن وتكىزۋگە مۇمكىندىك بولىپ، بىرنەشە ء«دجيپتىڭ» وسى بۇيىمىن ۇساق ۇرىلار قولدى قىلعان. سونىڭ ءبىرى كونكيشى د.تەننىڭ ماشيناسىنان الىنىپ، ۇرىنى ۇستاماق بولعان يەسىنىڭ دە مەرت بولعانى ەستە.

بىراق پروۆينتسيالدىق قالالاردا ونداي ەرەكشە وقيعا بولعان ەمەس. وسى كۇنگە دەيىن پەتروپاۆلدىق قىزىل جاعالىلار «دجيپ» ۇرلانعانىن دا ەستىمەپتى. نەگىزىنەن تەك باي، باقۋاتتى ادامداردىڭ عانا مۇلكى بولاتىندىقتان ۇرىلار وندايلارعا جولاۋدان جاسقانعان. ويتكەنى، ونداي ماشينانىڭ قولى ۇزىن يەسى قىمبات مۇلكىن ۇرىنىڭ سىڭىرۋىنە جول بەرمەيدى. 

الايدا كەشە پەتروپاۆل قالاسىندا ماشينا ۇرلاۋدىڭ وسىنداي ەرەكشە وقيعاسى بولدى.ۇرىلار پەتروپاۆلدىڭ ن.نازارباەۆ كوشەسىندەگى ءبىر ءۇيىنىڭ اۋلاسىندا تۇرعان ء«دجيپتى» قولدى قىلعان. ۇرى وسىنداي ماشينانىڭ سىرىن جاقسى بىلەتىن قۋ بولسا كەرەك، «Toyota Land ءCruiserدى» ءوزىنىڭ الىپ كەلگەن اككۋمۋلياتورىمەن وت الدىرعانى بەلگىلى بولىپ وتىر. الايدا ونىڭ ەلەكتروندى دابىلىن تولىق توقتاتىپ تاستاۋعا اقىلى جەتپەگەن سياقتى. ويتكەنى، يەسى ويانىپ كەتىپ، تەرەزەدەن قاراعاندا تەمىر تۇلپارىن قويعان ورنىندا كورمەگەن سوڭ پوليتسياعا دابىل بەرەدى.

ۇرىلار بولسا بۇل كەزدە پەتروپاۆل قالاسىنىڭ اۋماعىنان دا شىعىپ كەتكەن ەكەن. الايدا پوليتسيانىڭ كەزەكشىلىكتەگى پاترۋلدەرى ء«دجيپتىڭ» قولدى بولعانىنان تەگىس قۇلاقتانىپ، بارلىق جولداردى قىراعىلىقپەن باقىلاۋعا الادى. تۇنگى مەزگىلدە اۆتوماشينالار اعىنى كوپ ەمەس قوي. ونىڭ ۇستىنە ء«دجيپتىڭ» ءوزى دە بىردەن كوزگە تۇسەتىن ەرەكشە ماشينا.

قاراۋىل قاراپ تۇرعان پاترۋلدەردىڭ ءبىرى «پەتروپاۆل-بوگوليۋبوۆ» تاسجولىمەن زىرلاپ بارا جاتقان ونى كوزدەرى شالىپ قالادى.  دابىلىن جارقىلداتىپ سوڭىنا تۇسكەن پوليتسيانى كورگەن سوڭ «دجيپ» تە جىلدامدىعىن ۇدەتەدى. ونىڭ ۇستىنە پوليتسيا ماشيناسىنىڭ ارتىندا كەلە جاتقان بوگدە كولىك پاترۋلدەردىڭ الدىنا شىعىپ الادى. ءسويتىپ، قۇتتى كينولارداعىداي قۋعىن باستالادى. «اۋدي» ماركالى بوگدە ماشينا پوليتسەيلەردىڭ ادىمىن اشىرماي، اسفالت جولدىڭ ۇستىندە بۇراڭداپ، ولاردىڭ العا شىعۋىنا جول بەرمەيدى. سونىڭ وزىمەن ول ۇرىنىڭ سەرىگى ەكەندىگىن كورسەتىپ قويادى.

سوڭىنا ءبىر تۇسكەن سوڭ پوليتسيا قۇتقارۋشى ما ەدى، بۇل شىم-شىتىرىق جولدارى مەن قالا-شاھارلارى كوپ شەتەل ەمەس قوي. اۋىل-سەلو اراسىنداعى قۋعىننىڭ قۇلاشى كەڭ ەمەس، پوليتسەيلەر اقىرى ء«دجيپتى» توقتاتادى. ونى الىپ قاشقان ەسىل اۋدانىنداعى پوكروۆكا سەلوسىنىڭ بۇرىن سوتتالعان 1995 جىلعى تۇرعىنى بولىپ شىعادى. قازىر ول پوليتسيانىڭ وقشاۋلاعىشىندا وتىر. ال ونىڭ «اۋدي» ماشيناسىنداعى سەرىكتەسى ۇستاتپاي كەتەدى. ماشينانىڭ ءوزى نوۆونيكولسك سەلوسىنىڭ ماڭىنداعى ورمانعا جاسىرىنعان جەرىنەن تابىلدى. ءوزى ۇستالماعانىمەن ۇرىنىڭ سەرىگىنىڭ اتى-ءجونى، تۋعان جىلى پوليتسياعا بەلگىلى بولدى. ول پوكروۆكا سەلوسىنىڭ 1986 جىلى تۋعان تۇرعىنى بولىپ شىقتى. قازىر ول ىزدەستىرىلۋدە. بارلىق دەرەكتەرى بەلگىلى بولعاننان كەيىن ونىڭ دا الىسقا ۇزاماسى بەلگىلى.

ءسويتىپ، سولتۇستىك قازاقستاندا بوتەن ادامنىڭ قىمبات مۇلكىن ۇرلاعان ۇيىمداسقان قىلمىستىڭ جولى كەسىلدى. قازىر ۇرىلاردىڭ ۇستىنەن قوزعالعان قىلمىستى ءىستىڭ ماتەريالدارى جينالۋدا. الايدا، باۋكەسپە قاراقشىلار ەمەس، اۋىل تۇرعىندارىنىڭ وسىنداي ۇلكەن قىلمىسقا ۇيىمداسقان تۇردە بارۋىنىڭ ءوزى سۇراق تۋدىرادى. بۇلاردىڭ ارتىندا ىقپالدى بىرەۋلەر تۇرعان سياقتى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ۇقساس جاڭالىقتار