"كوروناۆيرۋس ىندەتىمەن كۇرەس ماقساتىندا ەلىمىزدە مەديتسينا سالاسىنا ۇلكەن كوڭىل ءبولىنىپ جاتىر. بارلىق ەلدى مەكەندەردە وسىنداي جاڭارۋ بار. جاڭا كولىكتەر اۋىل تۇرعىندارىنىڭ مەديتسينالىق قىزمەتتەرگە قولجەتىمدىلىگىن ارتتىرىپ, جەدەل-جاردەم پاركىن جاڭارتۋعا مۇمكىندىك بەرىپ وتىر. وسى ورايدا, سىزدەردىڭ ەرەن ەڭبەكتەرىڭىز ءۇشىن العىسىمدى بىلدىرگىم كەلەدى", - دەدى ومىرزاق ەستاي ۇلى.
مامانداندىرىلعان رەانيماتسيالىق ەمدىك شارالارىن كورسەتۋگە مۇمكىندىك بەرەتىن اۆتوكولىكتەر ءپورتاتيۆتى وكپەنى جاساندى جەلدەتۋ اپپاراتى, دەفيبريللياتور, ەلەكتروكارديوگراف, رەانيماتسيالىق كومەك كورسەتۋگە ارنالعان چەمودان, جىلجىمالى زەمبىل, پۋلسوكسيمەتر, رەدۋكتور-ينگالياتور جانە ەلەكترسورعىشتارمەن جاساقتالعان. جىل سوڭىنا دەيىن قوسىمشا 45 دانا سانيتارلىق اۆتوكولىكپەن جابدىقتاۋ كوزدەلگەن.
وبلىستىق قوعامدىق دەنساۋلىق باسقارماسىنىڭ مالىمەتىنشە, جەدەل-جاردەم ستانساسىنىڭ 124 بريگاداسى شاقىرتۋعا شىعادى. تاۋلىگىنە ورتاشا ەسەپپەن 2000-عا جۋىق قوڭىراۋ تۇسۋدە. كەلەسى جىلى بريگادالار سانىن 150-گە دەيىن ارتتىرىپ, مەديتسينالىق جەدەل-جاردەم قىزمەتىن ودان ءارى جەتىلدىرۋ جوسپارلانعان.
