تەحنولوگيا • 24 قاراشا، 2020

ۆەتەريناريالىق پاسپورت ەلەكتروندى فورماتقا اۋىستىرىلادى

23 رەت كورسەتىلدى

ءماجىلىستىڭ جالپى وتىرىسىندا "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ۆەتەريناريا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى ءبىرىنشى وقىلىمدا ماقۇلداندى، دەپ حابارلايدى Egemen.kz

ءماجىلىس دەپۋتاتى رومان كيمنىڭ ايتۋىنشا، زاڭ جوباسىمەن 2 زاڭنامالىق اكتىگە: "قازاقستان رەسپۋبليكاسىنداعى كەدەندىك رەتتەۋ تۋرالى" كودەكسكە جانە "ۆەتەريناريا تۋرالى" زاڭعا وزگەرىستەر مەن تولىقتىرۋلار ەنگىزىلدى"، دەپ ايتىپ ءوتتى.

زاڭ جوباسىنىڭ نەگىزگى ماقساتى قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىن ودان ءارى جەتىلدىرۋ. اتاپ ايتقاندا، زاڭ جوباسىمەن ۆەتەريناريالىق پاسپورتتى ەلەكتروندى فورماتتا بەرۋ بويىنشا مەملەكەتتىك قىزمەت كورسەتۋ مۇمكىندىگى ىسكە اسىرىلىپ وتىر.

كورسەتىلەتىن قىزمەتتى اۆتوماتتاندىرۋ، بۇرىن قاعاز فورماتتا دايىنداۋعا جىبەرىلەتىن بيۋدجەت قاراجاتىن ۇنەمدەۋگە مۇمكىندىك بەرەدى، ادامي فاكتوردىڭ اسەرىن جويادى، وسى قۇجاتتى بەرۋدى جەڭىلدەتەدى جانە الۋدى تەزدەتەدى.

سىبايلاس جەمقورلىق قۇقىق بۇزۋشىلىقتاردى جاساۋدىڭ العىشارتتارىن بارىنشا ازايتۋ ماقساتىندا زاڭ جوباسىندا مەملەكەتتىك ۆەتەريناريالىق-سانيتاريالىق ينسپەكتورلارعا مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ جۇرگىزۋ كەزىندە فوتو جانە بەينەتۇسىرىلىمدى جۇزەگە اسىرۋعا، سونداي-اق تەحنيكالىق قۇرالداردى پايدالانۋعا قۇقىق بەرۋ ۇسىنىلىپ وتىر.

سوڭعى جاڭالىقتار

ۇقساس جاڭالىقتار