«Zhas Project – مەن ءۇشىن تاعدىرشەشتى جوبا. نەگە دەسەڭىز, مەن تۇرمىسقا شىعىپ, بالالى بولعاندىقتان جاعدايىما قاراي قايىرىمدىلىق جاساۋ ىسىنەن شەتتەپ قالعان ەدىم. ەندى مىنە, جوبانىڭ كومەگىمەن سۇيىكتى ىسىممەن قايتا تابىستىم», دەيدى ا.جانتاسوۆا.
وسىلايشا ىسكەر كەلىنشەك كوپبالالى وتباسىلارعا, مۇگەدەكتەرگە, بالالار ءۇيىنىڭ تاربيەلەنۋشىلەرىنە جانە جالعىز باستى زەينەتكەرلەرگە كومەكتەسۋ مۇمكىندىگىنە يە بولدى.
قازىرگى ۋاقىتتا انارگۇلدىڭ كومانداسىندا ءتورت ادام ەڭبەك ەتەدى. اسىرەسە ول Zhas Project جوباسىنىڭ تالىمگەرى انجەلا الۆانوۆانىڭ قولداۋىنا ءدان ريزا. ءوزىنىڭ جۇبايى دا قولىنان كەلگەن كومەكتى كورسەتىپ تۇرادى.
كاسىپكەر كەلىنشەك جوبانى ىسكە اسىرۋ ءۇشىن قاجىرلى ەڭبەك پەن تاباندىلىقتىڭ كەرەك ەكەنىن ايتادى. «بۇل جەردە بۇكىل كوماندا ساعاتتىڭ مەحانيزمى سىندى جۇمىس ىستەيدى. ءبىر ملن تەڭگە گرانتقا كاسىبي ميكسەر, توڭازىتقىش, ۇرمەلى پەش جانە بارلىق قاجەتتى ءاسۇي مۇكاممالىن ساتىپ الدىق. قازىردىڭ وزىندە ءبىز شەبەرلىك ساباقتارىن وتكىزە باستادىق», دەيدى ول.
Sweet heart كونديتەرلىك ستۋدياسىنداعى كۋرستاردا كوپ بالالى انالار, جالعىز باستى انالار جانە ەرەكشە بالا تاربيەلەپ وتىرعان ايەلدەر ءدارىس الادى. ال مۇنداي ساناتتاعى ءتىزىمدى قالاداعى وكتيابر اۋدانىنىڭ اكىمدىگى جىبەرىپ وتىراتىن كورىنەدى. بۇگىنگە دەيىن اتالعان ستۋديادا 18-55 جاس ارالىعىنداعى 44 ايەل كۋرستان ءوتىپ, قولدارىنا تاتتىلەردى پىسىرۋگە جانە ودان پايدا تابۋعا مۇمكىندىك بەرەتىن سەرتيفيكات ۇستاعان. ەندى Sweet heart باسشىسى الداعى جەلتوقسان ايىندا «تاڭشولپان» بالالار ءۇيىنىڭ تاربيەلەنۋشىلەرى ءۇشىن شەبەرلىك ساباقتارىن ۇيىمداستىرۋدى جوسپارلاپ وتىر. «ونداعى قىز بالالاردى ءوز بەتىنشە ءومىر سۇرۋگە ۇيرەتسەك دەگەن ىزگى نيەتىمىز بار. ولاردى الداعى ومىرگە وسى باستان دايىنداۋ ءبىز ءۇشىن ماڭىزدى شارۋا», دەيدى كەيىپكەرىمىز.
Sweet heart كونديتەرلىك ستۋدياسى تەك كۋرستار ۇيىمداستىرۋمەن عانا اينالىسپايدى. جوبا قاتىسۋشىلارى مۇقتاج جاندارعا دەسەرتتەر مەن كونديتەرلىك ونىمدەردى تەگىن تاراتىپ, قايىرىمدىلىق ىستەرگە دە بەلسەندى تۇردە اتسالىسادى. مىسالى, تاياۋدا كونديتەرلەر «دوبرو» پانسيوناتىندا تۇراتىن ەلۋگە جۋىق قاريا مەن مۇگەدەك جانعا چاك-چاك, تورت, پيروگ, دەسەرتتەر, قىتىرلاق ءتاتتى نان, باۋىرساق, كەپتىرىلگەن ورىك پەن كۇنجىت قوسىلعان توقاشتار سياقتى ءتاتتى تۇرلەرىنەن بەلى قايىسقان ۇستەل ازىرلەپ, داستارقان جايدى. پانسيونات اكىمشىسى داريا نيكولاەۆانىڭ, ونداعى قاريالاردىڭ Sweet heart ستۋدياسىنىڭ قىزمەتكەرلەرىنە, ونىڭ بىلىكتى باسشىسىنا دەگەن ريزالىعىن تىلمەن جەتكىزۋ ءتىپتى دە مۇمكىن ەمەس.
جەلتوقسان ايىندا الەۋمەتتىك جوبا اياقتالىپ, ستۋديا ءوزىن-ءوزى قامتاماسىز ەتۋگە كوشەدى. ال ارناگۇل بولسا, الداعى ۋاقىتتا تاعى ءبىر وندىرىستىك تسەح اشۋدى كوزدەپ ءجۇر. ءتىپتى, قازىردىڭ وزىندە اقىلى ءپىسىرۋ كۋرستارىن وتكىزۋگە دەگەن سۇرانىس تا كوپتەپ ءتۇسىپ جاتقان كورىنەدى. سونىمەن قاتار كەيتەرينگ قىزمەتىن كورسەتۋدى, مەرەكەلەر وتكىزۋ ءۇشىن مەيرامحانالارمەن جانە ءتۇرلى دامحانالارمەن ىنتىماقتاستىق قارىم-قاتىناس ورناتۋ دا جوسپاردا بار.
Sweet heart ستۋدياسىنىڭ ىسكەر جەتەكشىسى انارگۇل جانتاسوۆا كونديتەرلىك ونىمدەردىڭ ادام بالاسىنا قۋانىش پەن مەرەكەلىك سەزىم سىيلايتىنىن جاقسى سەزىنەدى. سول سەبەپتى دە ول ءوزىنىڭ سۇيىكتى ءىسىن ىنتا-شىنتاسىمەن اتقارىپ, ەلدىڭ العىسىنا بولەنىپ ءجۇر.
قاراعاندى
