پرەزيدەنت • 23 قاراشا، 2020

پرەزيدەنت جاڭا مەكتەپكە اباي ەسىمىن بەرۋ يدەياسىن قولدادى

121 رەت كورسەتىلدى

بۇگىن مەملەكەت باسشىسى قاسىم-جومارت توقاەۆ جۇمىس ساپارىمەن قاراعاندى وبلىسىنا كەلدى. «سارىارقا» اۋەجايىندا پرەزيدەنتتى وبلىس اكىمى جەڭىس قاسىمبەك قارسى الدى، دەپ حابارلايدى Egemen.kz. وبلىس اكىمىنىڭ ءباسپاسوز قىزمەتىنە سىلتەمە جاساپ.

قاسىم-جومارت توقاەۆتىڭ ساپارى وبلىس ورتالىعىندا جاڭادان سالىنعان 1200 ورىندىق مەكتەپ-گيمنازيانى ارالاپ كورۋدەن باستالدى. بۇل جەردە پرەزيدەنت ءبىلىم ورداسىنداعى وقۋ-تاربيە جۇمىستارىنىڭ ۇيىمداستىرىلۋىمەن تانىسىپ، باستاۋىش سىنىپ وقۋشىلارى وقيتىن كەزەكشى سىنىپتاردى ارالادى.

سونىمەن بىرگە مەملەكەت باسشىسىنا زاماناۋي قۇرالدارمەن جابدىقتالعان كابينەتتەر، STEM-زەرتحانا، روبوت-تەحنيكا جانە زياتكەرلىك بولمەلەر، مەكتەپ تەلەستۋدياسى مەن مەدياستۋديا كورسەتىلدى. مەكتەپتە ساباقتان تىس ۇيىمداستىرىلاتىن ۇيىرمە جۇمىستارى ءۇشىن ART-ستۋديا جانە حورەوگرافيا زالى سالىنعان. جالپى بۇل مەكتەپ ءۇش اۋىسىمدا وقىتۋ ماسەلەسىن شەشۋگە يگى ىقپالىن تيگىزەتىن نىسان. مۇندا جاقىن جەرلەردەگى قازاق مەكتەپتەرىنەن 900 وقۋشى اۋىستىرىلعان.

قاسىم-جومارت توقاەۆ جاڭا مەكتەپ-گيمنازياعا اباي قۇنانباي ۇلىنىڭ ەسىمىن بەرۋ جونىندەگى ۇسىنىستى قولدايتىنىن مالىمدەدى. ءبىلىم ۇياسى ۇلى اقىن ءارى ويشىلدىڭ مۇرالارىن زەرتتەۋ، ناسيحاتتاۋ ورتالىعىنا اينالادى دەگەن سەنىم بار. مەكتەپ بازاسىندا قالالىق قانا ەمەس، وبلىستىق ءىس-شارالار دا وتكىزىپ تۇرۋعا ارنالعان 700 ورىندىق اكت زال بار. ونىڭ ءىشى اباي شىعارماشىلىعىمەن بەزەندىرىلگەن.

پرەزيدەنت وبلىستا پاندەميا كەزىندەگى وقۋ ۇدەرىسىنىڭ قالاي ۇيىمداستىرىلىپ جاتقانىن سۇرادى. قازىرگى تاڭدا وڭىردەگى  504 مەكتەپتە 204 مىڭ شاكىرت، سونىڭ ىشىندە، ءبىرىنشى سىنىپتىڭ 22 مىڭ وقۋشىسى ءبىلىم الىپ جاتقاندىعى حابارلاندى. سونداي-اق، وڭىردەگى وقۋشى سانى 300-دەن اسپايتىن 279 مەكتەپ شتاتتىق رەجىمدە جۇمىس ىستەيدى. مۇنداي ءبىلىم مەكەمەلەرىندە 29 مىڭعا جۋىق وقۋشى وقىپ ءجۇر. باستاۋىش جانە بەسىنشى سىنىپ وقۋشىلارى ءۇشىن 6166 كەزەكشى سىنىپتار ۇيىمداستىرىلعان. بۇل سىنىپتاردا 77 مىڭنان استام بالا وقىپ جاتىر. ايتا كەتەتىن ءبىر جايت، ءبىلىم بەرۋ مەكەمەلەرىنىڭ بارىندە  سانيتارلىق رەجىم بارىنشا كۇشەيتىلگەن.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار