قالانىڭ سولتۇستىگىندەگى جۋكوۆ كوشەسىنىڭ بويىندا تۇرعان بۇل تەمىر گاراجدى يەسى تەك قۇرىلىس ماتەريالدارىن ساقتاۋعا پايدالانادى ەكەن. دەمەك, ونى تەك اندا-ساندا عانا اشاتىنىن سۇڭعىلا ۇرى باعىپ جۇرگەن. سوسىن ءبىر كۇنى كران-مانيپۋلياتورى بار جۇك ماشيناسىن جالداپ, گاراجدى تىك كوتەرىپ الىپ كەتكەن. قۇتتى «بەرەگيس اۆتوموبيليا!» دەگەن كينوداعىداي. بىراق بۇل ۇرى گاراجدى تۇندە ەمەس, تاپا-تال تۇستە, بارلىق كورشىلەردىڭ كوزىنشە ۇرلاعان. ال كورشىلەر يەسى ساتىپ جىبەرگەن شىعار دەگەن بولۋى كەرەك, مۇنى ۇرلىق دەپ ويلاماعان.
گاراجى قولدى بولعانىن يەسى بىرنەشە كۇننەن كەيىن عانا كورشىلەرىنەن ءبىلىپ, پوليتسياعا حابارلاعان. پەتروپاۆلدىڭ كريمينالدىق پوليتسياسى گاراجدىڭ قاڭقاسىن مەتالل سىنىقتارىن جينايتىن تىرەكتەن تاپقان. ال ونى وتكىزگەن پەتروپاۆلدىڭ 1987 جىلى تۋعان تۇرعىنى ۇستالدى. ول گاراجدى ءتۇستى مەتالل رەتىندە بولشەكتەپ, 130 مىڭ تەڭگەگە وتكىزىپ جىبەرگەن ەكەن. قازىر بۇرىن سوتتالعان پەتروپاۆلدىقتىڭ ۇستىنەن قىلمىستى ءىس قوزعالدى.
پەتروپاۆل
