قوعام • 20 قاراشا، 2020

قىزىلوردالىقتىڭ ءدىني الاۋىزدىققا باعىتتالعان ۋاعىزداردى تاراتىپ جۇرگەنى انىقتالدى

369 رەت كورسەتىلدى

قىزىلوردا وبلىسىنىڭ تۇزەۋ مەكەمەلەرىنىڭ بىرىندە جازاسىن وتەپ جاتقان تۇركىستان وبلىسى تۇرعىنىنىڭ ءدىني الاۋىزدىققا باعىتتالعان ۋاعىزدار تاراتۋمەن اينالىسىپ جۇرگەنى انىقتالدى، دەپ حابارلايدى Egemen.kzء ىىم سىلتەمە جاساپ. 

قىزىلوردا وبلىسى پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى جانە قىزىلوردا وبلىسى بويىنشا قىلمىستىق-اتقارۋ جۇيەسىنىڭ دەپارتامەنتىنىڭ قىزمەتكەرلەرى بىرلەسىپ جۇرگىزگەن ءىس-شارالار بارىسىندا تۇزەۋ مەكەمەسىندە جازاسىن وتەپ جاتقان تۇركىستان وبلىسىنىڭ 43 جاستاعى تۇرعىنىنىڭ ءدىني الاۋىزدىقتى قوزدىرۋعا باعىتتالعان ۋاعىزداردى تاراتۋمەن اينالىسىپ جۇرگەنىن انىقتادى.

اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 174-بابىنىڭ 1-بولىگىمەن (الەۋمەتتiك، ۇلتتىق، رۋلىق، ناسiلدiك، تەكتىك-توپتىق نەمەسە دiني الاۋىزدىقتى قوزدىرۋ) سوتقا دەيىنگى تەرگەپ-تەكسەرۋ باستالىپ، ساراپتاما تاعايىندالدى.

ساراپتاما قورىتىندىسىنا سايكەس ءدىني ۋاعىزداردان تەرروريزمدى ناسيحاتتاۋ بەلگىلەرى انىقتالدى. كۇدىكتىگە قاتىستى 2020 جىلعى 16 قاراشادا قازاقستان رەسپۋبليكاسى قىلمىستىق كودەكسىنىڭ 256-بابىنىڭ 1-بولىگىمەن (تەرروريزمدi ناسيحاتتاۋ نەمەسە تەرروريزم اكتiسiن جاساۋعا جاريا تۇردە شاقىرۋ) سوتقا دەيىنگى تەرگەپ-تەكسەرۋ امالدارى باستالدى. 

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار