"جاس ۇرپاققا ەكولوگيالىق ءبىلىم بەرىپ, ەڭبەكسۇيگىشتىككە, پاتريوتتىققا, جيناقىلىق پەن تازالىققا تاربيەلەيتىن "جاسىل ەل" باعدارلاماسىنىڭ جاستار ءۇشىن ماڭىزىز زور. جىل سايىن "جاسىل ەلدە" ەڭبەك ەتكىسى كەلەتىن جاستار سانى ارتىپ كەلەدى. وڭىردە جاستاردىڭ باستاماسىن ىلگەرى دامىتۋعا ارنالعان جوبالار دا, مۇمكىندىكتەر دە از ەمەس", دەدى وبلىس اكىمىنىڭ ورىنباسارى باقىتگۇل حامەنوۆا.
وبلىس اكىمىنىڭ ورىنباسارى ەڭبەك ماۋسىمىندا بەلسەندىلىك تانىتقان ءبىر توپ جاسقا "ۇزدىك جوبا", "ۇزدىك كوماندير", "ۇزدىك مەديا مامان", "ۇزدىك شتاب", "ۇزدىك جۇمىس بەرۋشى", "جىل سەرپىنى", "ۇزدىك سارباز" اتالىمدارىن تابىستادى.
سوڭعى بەس جىلدا "جاسىل ەل" جوباسى اياسىندا 8 مىڭعا جۋىق جاس جۇمىسپەن قامتىلدى. ال بيىل 1004 جاس جۇمىسقا تارتىلدى. ونىڭ ىشىندە وبلىس ورتالىعىنان 294, اۋدانداردان 710 جاس بار.
