مەديتسينا • 19 قاراشا، 2020

قازالىدا ءدارى-دارمەكتىڭ 2 ايلىق قورى بار

30 رەت كورسەتىلدى

بۇگىندە قازالى اۋدانىندا ەپيدەميولوگيالىق احۋال تۇراقتى. دەگەنمەن دە ساقتىق شارالارى مەن جۇقپالى دەرتتىڭ الدىن جۇمىستارى تولاستاعان جوق، دەپ حابارلايدى Egemen.kz

اۋدان اكىمىنىڭ ورىنباسارى ءالىبي ابيەۆ قازالى اۋدانارالىق اۋرۋحاناسى مەن تەمىرجول اۋرۋحاناسىنا ارنايى بارىپ، مەديتسينالىق مەكەمەنىڭ دايىندىق جۇمىستارىمەن تانىستى.

دايىندىق جۇمىستارىن پىسىقتاۋعا كەلگەن اۋدان اكىمىنىڭ ورىنباسارىنا قازالى اۋدانارالىق اۋرۋحاناسىنىڭ باس دارىگەرى باقىتكۇل الىشەۆا مەن "قازالى تەمىرجول اۋرۋحاناسى" جشس باس دارىگەرى سەيىلحان ارتىقباەۆ بۇگىنگى تاڭداعى اۋدانداعى ەپيدەميالىق احۋال جايىندا تولىق مالىمەت بەرىپ، اتقارىلعان جۇمىستارمەن تانىستىردى. بۇگىنگى كۇنى جەرگىلىكتى اۋرۋحانالاردا كەمى ەكى ايدىڭ دارىلىك زاتتارى مەن مەديتسينالىق قۇرال-جابدىقتاردىڭ قورى جەتكىلىكتى.

مۇنان سوڭ اۋدان اكىمىنىڭ ورىنباسارى كەنتتەگى "نۇر.مەد.كز" مەديتسينا ورتالىعىنا سوعىپ، ساتىلىمدا بار دارىلىك زاتتاردىڭ مولشەرىن ءبىلدى.

جەكە كاسىپكەر اينۇر تۇرىمبەتوۆانىڭ ايتۋىنشا ءدارىحانادا ۇزىن سونار كەزەك بولماسا دا، ساقتىق شارالارى ءالى دە قاتاڭ باقىلاۋدا. اراقاشىقتىقتى ساقتاپ، ىشكە ءۇش ادامنان ارتىق كىرىگىزىلمەيدى. سورەلەردە ەلىمىزدەن بولەك، الىس-جاقىن شەت ەلدەردەن جەتكىزىلگەن ەمدىك پرەپاراتتار جەتكىلىكتى.

سوڭعى جاڭالىقتار

ۇقساس جاڭالىقتار