ورداباسى اپب-نە تۋىس اپالى-ءسىڭلىلى ەكى جەرگىلىكتى تۇرعىن ارىزدانادى. جابىرلەنۋشى ايەلدەردىڭ ايتۋىنشا, بەيتانىس ادام ولاردىڭ اتىنان ونلاين-نەسيە العان. تۇرعىننىڭ اتىنان بەس بىردەي ميكروكرەديتتىك ۇيىمداردان 350 مىڭ تەڭگەدەي نەسيە العانىن جەتكىزسە, كەلەسىسىنىڭ اتىنان ءۇش بانكتەن 100 مىڭ تەڭگەدەن استام نەسيە الىنعانىن كورسەتكەن. ءبىر جىلدا بەرەشەكتەرى كوبەيىپ, بانكتەن حابار كەلگەندە تۇرعىندار تەز ارادا ءتارتىپ ساقشىلارىنان ءمان-جايدى انىقتاۋعا كومەك بەرۋلەرىن سۇراعان.
اتالعان جايت سدتتبت-نە ەنگىزىلىپ, قر قك-ءنىڭ 190-بابى (الاياقتىق) بويىنشا تىركەلدى. ارىزدانۋشىلاردىڭ شاعىمىنا سايكەس, ورىن العان الاياقتىق قىلمىسىن اشىپ, كۇدىكتىنى انىقتاۋ ماقساتىندا ورداباسى اۋدانى پوليتسەيلەرى قاجەتتى ءىس-شارالاردى جۇرگىزدى.
تەكسەرۋ جۇمىستارى ناتيجەسىندە پوليتسەيلەر وسى قىلمىسقا قاتىستى كۇدىكتىنى انىقتاپ, ونى تۇرعىلىقتى مەكەنجايى شىمكەنت قالاسىنان ۇستادى. ول جابىرلەنۋشىلەردىڭ تۋىس ءسىڭلىسى بولىپ شىقتى. تەرگەۋ بارىسىندا انىقتالعانداي, جابىرلەنۋشى وتكەن جىلى تۋىس اپكەلەرىنە حابارلاسىپ, قارىز تانىستارى اقشا تاستايتىنىن, سول ءۇشىن بانكتىك كارتوچكالارىنىڭ كودتارى مەن جەكە كۋالىكتەرىنىڭ مالىمەتتەرىن سۋرەتكە ءتۇسىرىپ جىبەرۋدى سۇراعان. سودان تۋىسىنا سەنگەن جابىرلەنۋشىلەر, ول سۇراتقان اقپاراتتاردى بەرەدى. وسى ارقىلى كۇدىكتى ونلاين-نەسيە الۋعا ءوتىنىش تاستاپ, نەسيە راسىمدەگەن.
كۇدىكتى ءوز كىناسىن تولىق مويىنداپ وتىر. كۇدىكتىنىڭ باس شاراسى قولحاتپەن بوساتىلدى. قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە. پوليتسەيلەر وقيعانىڭ تولىق ءمان-جايىن انىقتاۋدا.
