اتالعان شارا جازۋشى, پروفەسسور, كسرو پەداگوگيكا عىلىمدارى اكادەمياسىنىڭ ناقتى مۇشەسى, كەڭەس وداعىنىڭ باتىرى مالىك عابدۋلليننىڭ 105 جىلدىعى قۇرمەتىنە ارنالدى. وعان وقۋ ورنىنىڭ پروفەسسورلىق-وقىتۋشىلىق قۇرامى مەن تىڭداۋشىلارى قاتىستى.
«مالىك عابدۋللينگە ارنالعان ەسكەرتكىش بۇرىشىنىڭ اشىلۋى مەن وعان جوعارى وقۋ ورنىنان فاكۋلتەتتىڭ اتاۋى بەرىلۋى ۇلكەن قۇرمەت پەن جاۋاپكەرشىلىك», - دەپ ۇلتتىق قورعانىس ۋنيۆەرسيتەتىنىڭ باستىعى گەنەرال-لەيتەنانت سۇلتان قامالەتدينوۆ اتاپ ءوتتى.
مالىك عابدۋللين ۇلى وتان سوعىسىنا گەنەرال-مايور ي. پانفيلوۆ اتىنداعى 8-ءشى گۆارديالىق اتقىشتار ديۆيزياسىنىڭ قۇرامىندا قاتىسقان بولاتىن. 1942 جىلى نوۆگورود وبلىسىنداعى ۇرىستا ساربازدار توبىن باسقاردى.
جاۋمەن شايقاستا ولاردىڭ سانىنىڭ باسىمدىعىنا قاراماستان, نەمىستىڭ ەكى تانكىن گراناتپەن جارىپ, كوپتەگەن جاۋ اسكەرىن جويدى جانە 12 جاۋدى تۇتقىنعا الدى. مالىك عابدۋللين جارالانسا دا, شايقاستى تاستاپ كەتپەدى. اعا تاربيەشى مالىك عابدۋللينگە وسى ەرلىگى ءۇشىن كەڭەس وداعىنىڭ باتىرى اتاعىمەن بىرگە «لەنين» وردەنى جانە «التىن جۇلدىز» مەدالى تابىس ەتىلدى.
باتىردىڭ ەسىمى ورتالىق كوشەلەر مەن مەكتەپتەرگە بەرىلگەن. 1995 جىلى تۇڭعىش پرەزيدەنت نۇرسۇلتان ءابىش ۇلى نازارباەۆتىڭ قاتىسۋىمەن كوكشەتاۋ قالاسىندا مالىك عابدۋلليننىڭ ەلىمىزدەگى العاشقى مۇراجايى اشىلعان بولاتىن.
