جەرگىلىكتى جانكۇيەرلەر ءوز جەرلەستەرىنەن جەڭىس كۇتكەن ەدى. وكىنىشكە قاراي, بۇل جولى دا "بارىستىڭ" باعى جانبادى. وتە شيەلەنىستى وتكەن كەزدەسۋدىڭ ءبىرىنشى كەزەڭىندە ەسەپ اشىلعان جوق.
ۇزىلىستەن كەيىن يۋري ءميحايليستىڭ شاكىرتتەرى قارقىنىن كۇرت كۇشەيتتى. ناتيجەسىندە داررەن ديتس پەن رومان ستارچەنكو ۇيىمداستىرعان شابۋىلدان سوڭ فيليپ ۆارونە ايدىن يەلەرىن العا شىعاردى. بىراق بۇل ەسەپتى ءبىزدىڭ جىگىتتەر ۇزاق ۇستاپ تۇرا المادى. ءۇشىنشى كەزەڭ باستالعان بەتتە نيكولاي پروحوركين تارازى باسىن تەڭەستىردى. ودان كەيىن نەگىزگى ۋاقىتتا دا, وۆەرتايمدا دا ەش نارسە وزگەرگەن جوق. ال بۋلليت سوعۋ بارىسىندا "مەتاللۋرگتىڭ" مەرەيى ۇستەم بولدى. قورىتىندى ەسەپ – 1:2.
وسى كۇنگە دەيىن 23 كەزدەسۋ وتكىزگەن "بارىس" 25 ۇپايدى ەنشىلەپ, تۇراقتى بىرىنشىلىكتىڭ جارىس كەستەسىندە 16 ورىندا كەلەدى. ءوزىنىڭ كەلەسى كەزدەسۋىن جەرلەستەرىمىز 19 قاراشادا نۇر-سۇلتاندا ومبىنىڭ "اۆانگاردىنا" قارسى وتكىزەدى.
