پرايمەريز قورىتىندىسى بويىنشا كونفەرەنتسيانىڭ 109 دەلەگاتى 15 ۇمىتكەرگە كوبىرەك داۋىس بەردى.
ەڭ كوپ داۋىستى وبلىستاعى گرەك-ريم, ەركىن كۇرەس جانە ايەلدەر كۇرەسى فەدەراتسياسىنىڭ پرەزيدەنتى راحات سىدىكوۆجينادى. ودان كەيىنگى ورىندا مەملەكەتتىك قىزمەتشى امانعالي بەردالين تۇر. قالعان ەكى ورىندى دارىگەر, «DARU Medical Group» جشس ديرەكتورى عالىمجان ەلەۋوۆ پەن «Jas Otan» وبلىستىق جاستار قاناتىنىڭ جەتەكشىسى اسىلجان بۇركىتالين يەلەندى. كونفەرەنتسيادا وبلىستىق ءماسليحات دەپۋتاتتىعىنا ۇمىتكەرلەردىڭ 50 ادامنان تۇراتىن پارتيالىق ءتىزىمى دە ماقۇلداندى. بۇل تىزىمدە ايەلدەردىڭ ۇلەسى 9-دان 30 پايىزعا ۇلعايعان, 35 جاسقا دەيىنگى جاستاردىڭ ۇلەسى 20 پايىزعا وسكەن. پارتيالىق ءتىزىم بويىنشا ۇسىنىلعان دەپۋتاتتىققا ۇمتىكەرلەر اراسىندا شاعىن جانە ورتا بيزنەس وكىلدەرى – 41%, ءبىلىم سالاسىنىڭ وكىلدەرى – 13%, كۆازيمەملەكەتتىك سەكتورداعىلار – 8%-دى قۇرايدى. كونفەرەنتسيادا «Nur Otan» پارتياسىنىڭ كەزەكتەن تىس وتەتىن حح سەزىنە دەلەگاتتار سايلاندى.
ايتا كەتۋ كەرەك, پرايمەريزدىڭ العاشقى كەزەڭىنە 460 ۇمىتكەر قاتىسسا, ولاردىڭ 36,7% -ى ايەلدەر, 28% -ى جاستار.پرايمەريزگە قاتىسقانداردىڭ 49,6% – ءوز-وزدەرىن ۇسىنعان ازاماتتار.
