ەسكەرتكىشتىڭ اشىلۋ راسىمىنە سەمەي يادرولىق سىناق پوليگونى ايماعىندا اسكەري قىزمەتىن وتەگەن اقتوبەلىك ارداگەرلەر, قالا تۇرعىندارى, جەرگىلىكتى بيلىك وكىلدەرى قاتىستى.
الداعى ۋاقىتتا بۇل جەر سەمەي يادرولىق سىناق پوليگونىنان زارداپ شەككەن اكتوبەلىك ارداگەرلەردىڭ باس قوساتىن, سالتاناتتى شارالار وتكىزەتىن, ومىردەن وزعان ارداگەرلەردى ەسكە الاتىن ورىنعا اينالماقشى.
1949-1991 جىلدار ارالىعىندا سەمەي يادرولىق پوليگونىندا 11 مىڭنان استام اقتوبەلىك اسكەري مىندەتتەرىن اتقارعان. وبلىستىق قورعانىس ىستەرى جونىندەگى دەپارتامەنتىنىڭ ءمالىمەتى بويىنشا, بۇگىندە وڭىردە سەمەي يادرولىق پوليگونىنداعى يادرولىق سىناقتارعا قاتىسقان 1800-دەن استام ادام تۇرادى, ولاردىڭ 268-ءى مۇگەدەك, 40-ى يادرولىق سىناقتارعا قاتىسۋشىلاردىڭ جەسىرلەرى.
قازىرگى ۋاقىتتا وسى ازاماتتاردى الەۋمەتتىك قورعاۋ جۇمىستارى ءبىرتىندەپ ىسكە اسىرىلا باستادى. ماسەلەن, مەديتسينالىق جابدىقتارمەن قامتۋ, ەمدىك-ساۋىقتىرۋ ورىندارىنا جولدامالار, كوممۋنالدىق شىعىنداردى تولەۋجەڭىلدىكتەرءى بەرىلىپ, ارنايى الەۋمەتتىك جانە ينۆاتاكسي قىزمەتتەرى ۇسىنىلادى.
جىل سايىن 9 مامىر –جەڭىس كۇنى قارساڭىندا سەمەي يادرولىق سىناق پوليگونىندا قىزمەت ەتكەندەرگە 100 مىڭ تەڭگە مولشەرىندە بىرجولعى ماتەريالدىق قارجىلاي كومەك بەرىلەدى. جەرگىلىكتى اتقارۋشىلىق بيلىك تاراپىنان پوليگون ارداگەرلەرىن مۇمكىندىگىنشە جۇمىسقا ورنالاستىرۋ جولدارى شەشىلىپ, كاسىپكەرلىكپەن اينالىسۋعا قولداۋ كورسەتىلەدى.
