1 275 مينۋت
فۋتبول شەجىرەسىندە ەڭ سەنىمدى قاقپاشى اتانعان «اتلەتيكو» (مادريد) كومانداسىنىڭ قاقپاشىسى ەيبل رەسينو (سۋرەتتە) ۇلكەن جارىستاردا 1275 مينۋت بويى ءوز قاقپاسىنا بىردە-ءبىر دوپ جىبەرمەگەن.
الىپ قاقپاشى
اعىلشىن قۇراماسىنىڭ بۇرىنعى قاقپاشىسى ۆيللي گەنري فۋلكتىڭ بويى 190 سم, سالماعى 165 كگ بولعان. بىردە ول بايقاۋسىزدا ءوز قاقپاسىنىڭ جوعارى كولدەنەڭ شتانگاسىن سىندىرىپ الىپ, ويىن ۋاقىتشا توقتاتىلعان.
199 854 كورەرمەن
ريو-دە جانەيرو قالاسىنىڭ «ماراكانا» ستاديونىندا وتكەن برازيليا مەن ۋرۋگۆاي فۋتبول كوماندالارىنىڭ ويىنىن (الەم چەمپيوناتى) 199 854 كورەرمەن تاماشالاعان.
ەڭ كوپ ءتارتىپ بۇزعان ويىن
ەڭ كوپ ءتارتىپ بۇزعان ويىن 1993 جىلى 1 ماۋسىمدا پاراگۆايدا وتكەن. تورەشى 20 فۋتبولشىنى الاڭنان قۋعا ءماجبۇر بولعان ەكەن.
36 گول
1885 جىلى 5 قىركۇيەكتە شوتلانديا كۋبوگى ءۇشىن سايىستا «اربروۋت» كومانداسى قارسىلاسىنىڭ قاقپاسىنا («بون اككورد» كومانداسى) 36 دوپ ەنگىزىپ, رەكورد جاساعان.
ءبىر ءوزى – 16 گولدىڭ يەسى
«رەسينگ كلاب دە لانس» كومانداسىنىڭ شابۋىلشىسى ستەفان ستانيس «وبري-استيۋري» كومانداسىمەن كەزدەسۋ كەزىندە ءبىر ءوزى 16 دوپ ەنگىزىپ, رەكورد جاساعان.
ءتورت رەت حەت-تريك
جاپوندىق «J» ليگاسىنداعى «جۋبيلا يۆاتا» كومانداسىنىڭ ويىنشىسى ماساشي ناكاياما 4 كەزدەسۋدىڭ اربىرىندە حەت-تريك جاساپ, ەرەكشە كوزگە تۇسكەن. ول 1998 جىلى 15 ساۋىردە «سەرەزو وساكا» قاقپاسىنا 5 گول, ءۇش كۇننەن كەيىن «سانفرەككس حيروشيما» قاقپاسىنا 4 گول, ارادا ءبىر اپتادان سوڭ «اۆيسپا فۋكۋوكا» قاقپاسىنا تاعى دا 4 گول, 29 ساۋىردە «كونسادولە ساپپورو» قاقپاسىنا 3 گول ەنگىزىپ جەرلەستەرىن تاڭعالدىرعان.
