سوڭعى كەزدە وڭىردەگى جەدەل جاردەم ستانساسىنا جاڭا كولىكتەر لەك-لەگىمەن بەرىلىپ جاتىر. جاقىندا عانا 18 كولىك بەرىلدى. وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, جەدەل جاردەم كولىكتەرى ناۋقاسقا العاشقى مەديتسينالىق كومەك كورسەتۋگە ارنالعان قاجەتتى قۇرال-جابدىقتارمەن قامتاماسىز ەتىلگەن. مەديتسينالىق جەدەل جاردەم كولىكتەرى «قدب-ليزينگ» ەسەبىنەن الىندى.
– جاڭا كولىكتەردىڭ سەگىزى اۋداندارداعى ەمدەۋ مەكەمەلەرىنە جىبەرىلەدى. ال 10 اۆتوكولىك اتىراۋ قالاسىنداعى تۇرعىنداردىڭ جەدەل شاقىرتۋىنا قىزمەت كورسەتەدى. قازىر وبلىستا 93 جەدەل جاردەم كولىگى بار. بيىل 46 كولىك الىندى. جەدەل جاردەم ستانساسىن ارنايى كولىكپەن قامتۋ 100 پايىزعا جەتتى. مۇنداعى جەدەل جاردەم كولىكتەرىنىڭ 70 پايىزى جاڭاردى. ەسكىلەرىنىڭ ءوزى ەكى-ءۇش جىل بۇرىن كەلگەن, – دەيدى وبلىستىق دەنساۋلىق ساقتاۋ باسقارمانىڭ باسشىسى اسحان بايدۋاليەۆ.
ونىڭ ايتۋىنشا, كەلەسى جىلى رەسپۋبليكالىق بيۋدجەت قاراجاتىنىڭ ەسەبىنەن قوسىمشا 60 سانيتارلىق اۆتوكولىكپەن قامتۋ جوسپارلانىپ وتىر.
اتىراۋ وبلىسى
