ونىڭ ەڭ باستى قاسيەتى – دىمقىلدى جەردەن قورىقپايتىندىعى. قانداي دىمقىلدا تۇرسا دا لاميناتسيالانعان فانەردەن جاسالعان زاتتار مەن بۇيىمدار ب ۇلىنبەيدى. سونىمەن قاتار ونىڭ ساندىلىگى دە جوعارى تالاپقا ساي. لاميناتسيالانعان فانەردىڭ تاعى ءبىر قاسيەتى – بەرىكتىگى. قاتتى تىعىزدالعاندىقتان, ول اۋىر سالماققا دا, تەمپەراتۋرالىق رەجىمگە دە شىدايدى.
سولتۇستىك قازاقستان وبلىسى اكىمدىگىنىڭ سوڭعى وتىرىسىندا «رادۋگا» جشس ەندى 20 كۇننەن كەيىن وسىناۋ ساپالى ءونىم – لاميناتسيالانعان فانەرا شىعارا باستايتىن زاۋىتىن ىسكە قوساتىنى بەلگىلى بولدى. سونداي-اق وسى كاسىپورىن بازاسىندا ەلەكترتەحنيكالىق ونىمدەر, كىرپىش, پوليپروپيلەن ىدىستار جاسايتىن وندىرىستەر دە اشىلماق.
قازاقستان رىنوگىندا 1994 جىلدان بەرى كەلە جاتقان وسى كاسىپورىن ەلىمىزدىڭ سولتۇستىگىندە عانا ەمەس الماتى, نۇر-سۇلتان, قاراعاندى, شىمكەنت, وسكەمەن, قوستاناي, كوكشەتاۋ سىندى ەلىمىزدىڭ 12 قالاسىندا جانە رەسەي قالالارىندا ءوزىنىڭ فيليالىن اشقان. الدىمەن ەدەن سىرلايتىن ءتۇرلى سىرلار مەن بوياۋلار شىعارۋعا ماماندانعان كاسىپورىن قازىر قۇلاشىن كەڭگە جايعان. بۇگىندە كومپانيانىڭ قاراماعىندا 2 مىڭعا جۋىق ادام جۇمىس ىستەيدى.
جالپى, سولتۇستىك قازاقستان وبلىسى 2020 جىلدىڭ اياعىنا دەيىن 287 ملرد تەڭگەدەي ينۆەستيتسيانى وندىرىسكە قۇيماق. سونىڭ ىشىندە جوعارىدا اتالعان لاميناتسيالانعان فانەر شىعاراتىن زاۋىت تا بار. سونىمەن قاتار جىلىجاي كەشەنىن, ماي ەكستراكتسيالايتىن زاۋىتتاردى دا ىسكە قوسپاقشى. قازىردىڭ وزىندە تارتىلعان ينۆەستيتسيا كولەمى 202 ملرد تەڭگەدەن اسقان. بۇل بىلتىرعى جىلدىڭ سايكەس مەرزىمىندە تارتىلعان ينۆەستيتسيادان 33,5 ملرد تەڭگەگە ارتىق. وبلىس اكىمى قۇمار اقساقالوۆ بيىلعى ينۆەستيتسيا كولەمى بىلتىرعىدان 20 پايىزعا ارتىق بولاتىنىن اتاپ ءوتتى.
– وندىرىسكە سالىنعان ءاربىر 4 تەڭگەنىڭ 3-ەۋى جەكەمەنشىك ينۆەستيتسيالار. بۇگىنگى تاڭدا بارشا الەم جامان ىندەتتىڭ كەسىرىنەن تۇسىنىكسىز جاعدايعا قالىپ, ەرتەڭگى كۇننەن قاۋىپ كۇتىپ, وزدەرىنىڭ ىسكەرلىك بەلسەندىلىگىن تومەندەتىپ وتىرعاندا بىزدە قارقىن ارتقانى قۋانتادى. ءبىر كەزدە ءبىز دە باستاعان جوبالارىمىزدى اياقتاي الماي قالارمىز دەپ قاۋىپتەنگەن ەدىك, بىراق كەز كەلگەن تىعىرىقتان شىعۋدىڭ جولدارى بولادى ەكەن. ول ءۇشىن ءتىپتى ارتىق تاۋەكەلدەرگە دە بارۋدىڭ قاجەتى جوق. تەك قولعا العان ءىسىڭنىڭ حالىققا, ەلگە پايدالى بولاتىنىنا دەگەن سەنىم كەرەك ەكەن, – دەدى ول.
وندىرىسكە ينۆەستيتسيا تارتۋ بويىنشا قازىر سولتۇستىك قازاقستان رەسپۋبليكالىق ورتاشا كورسەتكىشتەن جوعارى قاتاردا كەلەدى. ءوسىم وبلىس ورتالىعىندا عانا ەمەس, بارلىق اۋدانداردا دا بار. قولعا الىنعان جوبالاردىڭ توقتاپ قالعانى جوق, ءبارى العا جىلجۋدا. سوندىقتان جامان ىندەت ءوندىرىستى اياقتان شالا المادى دەپ ايتۋعا تولىق نەگىز بار.
سولتۇستىك قازاقستان وبلىسى
