ايتۋلى جارىستى الەمدىك رەيتينگتە 172 ورىندا تۇرعان قازاقستاندىق تەننيسشى دميتري پوپكو ءساتتى باستادى. تۇساۋكەسەر كەزدەسۋىندە ول اتر تىزىمىندە 245 ساتىعا جايعاسقان 24 جاستاعى كورت قوجايىنى نوا رۋبينمەن شەبەرلىك بايقاستى. بۇل باسەكەدە جەرلەسىمىزدىڭ ۇستەمدىگى ەش كۇمان تۋعىزعان جوق. ەكى سەتتىك سايىس 6:1, 6:2 ەسەبىمەن اياقتالدى. ەكىنشى كەزەڭدە پوپكو تاعى ءبىر امەريكالىق ويىنشى زاكاري سۆايدامەن كۇش سىناسادى.
جۇپتىق سىندا قازاقستاننىڭ وكىلى كانادالىق پيتەر پولانسكيمەن بىرگە ونەر كورسەتۋدە. العاشقى اينىلمدا ولار اقش تەننيسشىلەرى برەندون ناكاشيما/كريستوفەر يۋبەنكس جۇبىمەن كەزدەسەدى. سونداي-اق, اندرەي گولۋبەۆ پەن الەكساندر نەدوۆەسوۆ تە وسى جارىستا باق سىنايدى.
