وبلىستىق قىلمىستىق-اتقارۋ جۇيەسى دەپارتامەنتى ءباسپاسوز قىزمەتىنىڭ اقپاراتىنا قاراعاندا, زاڭسىز سالەمدەمە جەتكىزبەك بولعاندار «سەرگەك» كامەرالارى ارقىلى انىقتالدى.
«بۇرىن سوتتىلىعى بار ءۇش ازامات اتىراۋ قالاسىنىڭ ورتالىعىنان ۇستالدى. ولار قر اكىمشىلىك قۇقىقبۇزۋشىلىق تۋرالى كودەكسىنىڭ 481-بابىمەن (قىلمىستىق-اتقارۋ جۇيەسiنىڭ مەكەمەلەرiندە, ارناۋلى مەكەمەلەردە ۇستالاتىن ادامدارعا تىيىم سالىنعان زاتتار, بۇيىمدار مەن نارسەلەر بەرۋ) اكىمشىلىك جاۋاپكەرشىلىككە تارتىلدى. قازىر ۋگ-157/9 مەكەمەسىنىڭ اۋماعىنا بەينەباقىلاۋ كامەراسى قوندىرىلعان, - دەپ حابارلادى دەپارتامەنتتىڭ ءباسپاسوز قىزمەتى.
