1974 جىلى تۋعان قىزىلجار اۋدانىنىڭ تۇرعىنى وبلىس ورتالىعىنىڭ جامبىل كوشەسى بويىنداعى ۇيلەردىڭ بىرىندە جەرگىلىكتى تۇرعىنداردىڭ بەلگىلى ءبىر سوماعا قاسيەتتى جەرلەرگە شىعۋىن ۇيىمداستىرىپ وتىرعان.
تۇرعىلىقتى جەرى بويىنشا ادامداردى قابىلداپ, ادىراسپانمەن جانە شيپالى سۋمەن جان-ءتاندى تازالاۋ, اتا-بابا ارۋاقتارىنا تابىنۋ سياقتى قر اۋماعىندا تىيىم سالىنعان وككۋلتىك-ميستيكالىق اعىمعا ءتان باسقا دا ەمدەۋ تاسىلدەرىن قولدانعان.
سولتۇستىك قازاقستان وبلىسى پد ەكسترەميزمگە قارسى ءىس-قيمىل باسقارماسىنىڭ باستىعى رۋسلان جاراسباەۆتىڭ ايتۋىنشا, سولتۇستىكقازاقستاندىققا قاتىستى قر اقبتك 489-بابى 10-ب. (قازاقستان رەسپۋبليكاسىنىڭ زاڭناماسىندا بەلگiلەنگەن تارتiپپەن تiركەلمەگەن, سول سياقتى قىزمەتi توقتاتىلا تۇرعان نەمەسە وعان تىيىم سالىنعان قوعامدىق, دiني بiرلەستiكتەردiڭ قىزمەتiنە قاتىسۋ) بويىنشا اكىمشىلىك حاتتاما تولتىرىلدى. وعان 25 ايلىق ەسەپتiك كورسەتكiش مولشەرiندە ايىپپۇل سالىندى.
ايتا كەتەيىك, الماتى قالاسىنىڭ مامانداندىرىلعان اۋدانارالىق سوتىنىڭ 2009 جىلعى شەشىمىمەن “اتا جولى” (“اق جول”) جشس قىزمەتىنە قازاقستان رەسپۋبليكاسى اۋماعى بويىنشا تىيىم سالىنعان.
