قازاقستاندا اۋىر دەرتكە, جازىلماس دەرتكە شالدىققان مىڭداعان بالا بار. ولاردىڭ اراسىندا جارىق دۇنيەمەن قوشتاسۋىنا ساناۋلى جىلدار, ءتىپتى ساناۋلى ايلار قالعاندارى قانشاما. اتالعان قايىرىمدىلىق جوباسىنىڭ ماقساتى – اۋىر دەرتكە شالدىققان بالالاردىڭ ارمانىن كوزى تىرىسىندە ورىنداۋعا اتسالىسۋ. جوبا بالالاردىڭ مىناداي ارمانىن ورنىداۋعا دايىن:
"ۋاقىتشا ... بولعىم كەلەدى" (عالىم, پوليتسيا قىزمەتكەرى, اسپاز, تراكتور جۇرگىزۋشىسى, حانشايىم)
- "... بارعىم كەلەدى" (زووباققا, مۇراجايعا, باسقا قالاعا, تەاترعا, تەلەباعدارلاما تۇسىرىلىمىنە)
- "... كەزدەسكىم كەلەدى نەمەسە قولتاڭباسىن العىم كەلەدى" (سۇيىكتى سپورتشىممەن, انشىمەن, تەلەجۇرگىزۋشىمەن, ساياساتكەرمەن نەمەسە باسقا دا تانىمال قازاقستاندىق تۇلعامەن) "اتاپ وتكىم كەلەدى" (تۋعان كۇن, جاڭا جىل, توي) "اۋىر دەرتكە شالدىققان بالالاردىڭ مۇنداي ارمانىن جوباعا دەمەۋشى بولۋ ارقىلى, ۆولونتەرلىك قوزعالىسقا نەمەسە قازاقستان اۋماعىندا قايىرىمدىلىق باعىتىندا جۇمىس ىستەيتىن ۇيىمعا مۇشە بولۋ ارقىلى جۇزەگە اسىرۋعا بولادى. اتالعان قور بالالاردىڭ ارمانىن جۇزەگە اسىرۋ ءۇشىن قاراجات جيناۋمەن اينالىسادى. جينالعان قاراجات بالالارعا سىيلىق الۋعا نەمەسە دەرتىن ەمدەۋگە جۇمسالادى", دەيدى جوبانىڭ مەديا-كوورديناتورى ولجاس ەسبولوۆ.
"Menin Armanym" جوباسىنا كوپ العىس ايتامىن. وسى جوبا ارقىلى مەنىڭ تىلەگىم ورىندالدى. مەنىڭ ارمانىم – تاۋعا شىعۋ, بلوگەر بولۋ جانە قازاقستاننىڭ بەدەلدى ۆاينەرلەرى @nnnurdaylet پەن @sadraddinn-ءدى كورۋ ەدى.
"Menin Armanym" جوباسى ماعان توسىنسىي جاساپ, وسى ءۇش تىلەگىمدى ورىندادى", دەيدى الماتىداعى ونكولوگيالىق ورتالىقتا ەمدەلىپ جاتقان 12 جاستاعى ديدار بەرداليەۆ.
د.بەرداليەۆتىڭ اناسى ۇلىنىڭ ارمانى ورىندالعانى ءۇشىن قۋانىشتى ەكەنىن ايتۋدا.
"ديدار بيىل مامىر ايىنان باستاپ اۋىرىپ قالدى. تارازدا وعان وتا جاسالدى. ول جاقتا ەكى اي ەمدەلىپ, الماتىداعى ونكولوگيالىق ورتالىققا كەلدىك. 1 اي بويى حيمياتەراپيا قابىلدايمىز. نەگىزى ۇلىم 1-سىنىپتان باستاپ 1, 1,5 ايلاپ اۋىراتىن. ءمان بەرمەي جۇرە بەرىپپىز... ءوزىم اقتاۋ, اتىراۋدا ۆاحتامەن جۇمىس ىستەيمىن. ۇلىم باسى اۋىراتىنىن ايتقاندا ءدارى بەرە بەرەتىنبىز. 5-سىنىپتا قۇلاعىنان قان اعىپ, قۇلاپ قالعان كەزدە عانا قانداي دەرتى بار ەكەنىن بىلدىك. بالام وسى جوبا ارقىلى ءۇش ارمانى ورىندالاتىنىن بىلگەن كەزدە سەنبەي, ءبىر جىلاپ الدى. تاۋعا باراتىن كيىمى جوق ەدى, ونى دا ۋايىمدادى. وسى جوبا اياسىندا وعان كەرەكتى كيىمدەرى دە بەرىلدى. ءبارى جاقسى بولدى", دەيدى جانات بەرداليەۆا.
