ەستەرىڭىزگە سالا كەتەيىك, تۇركىستان وبلىسى اۋماعىندا جەرگىلىكتى پوليتسيا قىزمەتىنىڭ تابيعاتتى قورعاۋ پوليتسياسى قىزمەتكەرلەرى “براكونەر” جەدەل-پروفيلاكتيكالىق ءىس-شاراسىن وتكىزدى. ونىڭ نەگىزگى ماقساتى – براكونەرلىك دەرەكتەرىن انىقتاۋ, ەكولوگيالىق قىلمىستار مەن تابيعاتتى قورعاۋ زاڭناماسى سالاسىنداعى باسقا دا قۇقىق بۇزۋشىلىقتاردىڭ جولىن كەسۋ.
پوليتسەيلەر “براكونەر” جەدەل-پروفيلاكتيكالىق ءىس-شاراسىنىڭ قورىتىندىسى بويىنشا بەس ەكولوگيالىق قىلمىستى انىقتادى, ونىڭ ىشىندە زاڭسىز اڭ اۋلاۋ بويىنشا ءۇش جايت, بالىقتى زاڭسىز اۋلاۋعا قاتىستى ەكى جايت جانە تىركەلمەگەن قارۋدى ساقتاۋ بويىنشا ءبىر جايت انىقتالدى.
مىسالى, رەيدتىك ءىس-شارالار بارىسىندا كەنتاۋ قپب پوليتسيا قىزمەتكەرلەرى “وحوتزووپروم” قىزمەتكەرلەرىمەن بىرگە قر قىزىل كىتابىنا ەنگىزىلگەن “قاراباۋىر بۇلدىرىق” اۋلاعان براكونەردى ۇستادى. تۇركىستان قالاسىنىڭ تۇرعىندارىنان ءتارتىپ ساقشىلارى “قىزىل كىتاپقا” ەنگەن قۇستاردىڭ دەنەسىمەن 12 كاليبرلى اڭشى مىلتىعىن تاركىلەدى. اتالعان جايت بويىنشا قر قك 337-بابى (زاڭسىز اڭ اۋلاۋ) بويىنشا سوتقا دەيىنگى تەرگەۋ امالدارى جۇرگىزىلۋدە.
شاردارا اۋدانىندا تابيعاتتى قورعاۋ پوليتسياسىنىڭ قىزمەتكەرلەرى قولدانۋعا تىيىم سالىنعان “قىتاي اۋ-تورىمەن” جەرگىلىكتى سۋ قويماسىندا بالىق اۋلاپ جۇرگەن ەكى بالىقشىنى ۇستادى. جەتىساي اۋدانىنىڭ تۇرعىندارىنان ءتارتىپ ساقشىلارى 100 مەتردەن استام بالىق اۋلاۋ تورىن, موتورلى قايىقتى جانە 126 كگ زاڭسىز اۋلانعان بالىقتى انىقتادى. قازىرگى ۋاقىتتا براكونەرلەرگە قاتىستى قر قك 335-بابى (بالىق رەسۋرستارىن, باسقا دا سۋ جانۋارلارىن نەمەسە وسىمدىكتەرىن زاڭسىز ءوندىرۋ) بويىنشا سوتقا دەيىنگى تەرگەۋ امالدارى جۇرگىزىلۋدە.
سونىمەن قاتار “براكونەر” جەدەل-پروفيلاكتيكالىق ءىس-شاراسى بارىسىندا ءتارتىپ ساقشىلارى 416 اكىمشىلىك قۇقىق بۇزۋشىلىقتى انىقتادى, ونىڭ ىشىندە 71-ءى اڭ اۋلاۋ ەرەجەلەرىن بۇزۋ, 111-ءى بالىق اۋلاۋ ەرەجەلەرىن بۇزۋ جانە 218-ءى ازاماتتىق قارۋ مەن ونىڭ پاتروندارىن ساتىپ الۋ جانە ساقتاۋ ءتارتىبىن بۇزۋ. ناتيجەسىندە قۇقىق بۇزۋشىلارعا جالپى سوماسى ءتورت ميلليون تەڭگەدەن استام اكىمشىلىك ايىپپۇل سالىندى.
تۇركىستان وبلىسى پد جپق قىزمەتكەرلەرى رەيد كەزىندە كۇدىكتىلەردەن بارلىعى 14 بىرلىك اڭشى قارۋى, ءۇش موتورلى قايىق, 283 مەتر بالىق اۋلاۋ تورلارى, سونداي-اق ەكى”قىزىل كىتاپقا ەنگەن قۇستاردىڭ” دەنەسىن, جابايى بورسىقتىڭ جاڭا سويىلعان ەتىن, ءتورت قويان جانە 200 كگ-عا جۋىق ءتۇرلى تۇقىمدى بالىقتار تاركىلەندى.
سونداي-اق “براكونەر” جەدەل-پروفيلاكتيكالىق ءىس-شاراسى اياسىندا پوليتسيا قىزمەتكەرلەرى تۇرعىندار اراسىندا تابيعاتتى قورعاۋ زاڭناماسىن بۇزۋعا جول بەرمەۋ جانە براكونەرلىك جاعدايىندا قىلمىستىق جانە اكىمشىلىك جاۋاپكەرشىلىككە تارتۋ تۋرالى پروفيلاكتيكالىق جانە ءتۇسىندىرۋ اڭگىمەلەرىن وتكىزدى. سونىمەن قاتار ازاماتتاردى قازاقستان رەسپۋبليكاسىنىڭ تابيعاتىن, جانۋارلارى مەن وسىمدىكتەر الەمىن قورعاۋعا شاقىردى.
