تارالىمى 10 مىڭ دانالىق پوشتا ماركاسىنىڭ نومينالدى قۇنى − 300 تەڭگە. "اتاماننىڭ اقىرى" ءفيلمىنىڭ تۇسىرىلىمىنە وتكەن عاسىردىڭ جەتپىسىنشى جىلدارىنداعى ۇلتتىق كينونىڭ ۇزدىك ماماندارى قاتىسقانىن اتاپ وتكەن ءجون. رەجيسسەر شاكەن ايمانوۆ, ستسەناري اۆتورلارىنان اندرەي ميحالكوۆ-كونچالوۆسكي جانە ەدۋارد تروپين, اكتەرلەردەن ءاسانالى ءاشىموۆ, نۇرمۇحان ءجانتورين, نۇرجۇمان ىقتىمباەۆ, التىناي ەلەۋوۆا جانە باسقالار جۇمىلدىرىلعان.
1972 جىلى ءفيلمنىڭ ءوزى, سونداي-اق ستسەناريستەر مەن اكتەر ءاسانالى اشىموۆكە قازاق كسر مەملەكەتتىك سىيلىعى بەرىلدى. پاندەميا كەزىندە ش.ايمانوۆ اتىنداعى "قازاقفيلم" كينوستۋدياسى YouTube ارناسىندا ۋاقىت سىنىنان وتكەن اڭىزعا اينالعان فيلمدەردى اقىسىز تاماشالاۋعا جول اشتى. كورەرمەندەر قازاق كينوسىنىڭ "التىن قورىنا" ەنگەن ۇلتتىق كينەماتوگرافيانىڭ ەڭ تانىمال جاۋھارلارىن تاماشالاۋعا مۇمكىندىك الدى.
